1 SAMUEL 25:13 - Dios Rimashcata Quillcashcami

¹³ Chai quipami Davidca paipac runacunataca: —¡Tucui mashna cancunapac espadata japichic!— nirca. Shina nicpimi, paicunaca espadata japishpa chumbillirinapi churarcacuna. Shinallatac Davidpish paipac espadata chumbillirinapi apacpimi, chuscu patsac shina runacuna Davidta catishpa huichai rircacuna. Ishcai patsac runataca ima huacaichishcacunata cuidachunmi saquirca.

1 SAMUEL 25:13 Referans Kwoze

1 SAMUEL 23:13

Shina nicpimi, Davidca paihuan cac sucta patsac runacunandi, Keila pueblomanta llucshishpa maiman rina cashcata mana yachashpa rircacunalla. David Keila pueblomanta miticushpa rishcata Saúl yachac chayashpaca, mana rishpami saquirirca.

PROVERBIOS 25:8

Imatapish ricushpaca ama tigrai juezcunaman huillangapac ringuichu. Pacta shuctac huillac mana chashnachu nishpa canta pingaichinman.

PROVERBIOS 19:11

Alli yuyaiyuc runaca piñarishpapish jarcarinmi. Piñaccuna rimacpipish upalla tucushpa, alli nishca canallatami munan.

PROVERBIOS 19:2

Manapish yachashpa imata ruhuanaca mana allichu. Maijanpish callpac shina imatapish utca ruhuacca pandarinmi.

PROVERBIOS 14:29

Alli yuyaita chariccunami mana utca piñarin. Ashtahuanpish shungupi utca piñaric runaca yuyai illac cashcatami ricuchin.

JOSUÉ 9:14

Israelcunaca chai runacuna apamushca micunata chasquircami. Ashtahuanpish Mandac Diosmanca mana tapurcachu.

PROVERBIOS 16:32

Yallita sinchi runa canapac randica, mana utca piñaric canami ashtahuan alli. Quiquinllatac jarcaric runaca shuc pueblota japic runatapish, ashtahuan yalli allimi.

1 SAMUEL 22:2

Shinallatac llaquichishca runacunapish, debiyuc runacunapish, shungupi llaquilla caccunapish Davidhuanmi tandarircacuna. Davidca paicunata pushacmi tucurca. Paica chuscu patsac shina runacunatami charirca.

1 SAMUEL 25:12

Shina nicpimi, David cachashca mosocunaca paicuna rishcallatatac Davidpacman cutishpa, Nabal nishcata huillarcacuna.

1 SAMUEL 27:2

Shina yuyarishpami Davidca paihuan cac sucta patsac runacunandi Gat pueblota jatun mandac Maocpac churi Aquispacman rirca.

2 SAMUEL 15:18

Chaipimi pai churashca tucui mandaccunaca paipac muyundipi shayarirca. Chaipica cereteocunapish, peleteocunapishmi carca. Gat pueblomanta paihuan shamushca sucta patsac geteocunami jatun mandacpac ñaupata rirca.

PROVERBIOS 20:22

Canca: «Ñucapish llaquichishami» ama ninguichu. Ashtahuanpish Mandac Diosllata shuyangui. Paimi quishpichinga.