1 SAMUEL 25:10 - Dios Rimashcata Quillcashcami

¹⁰ Nabalca David cachashca mosocunataca: —¿Pitac Davidca? ¿Pitac Isaipac churica? Cunan punzhacunaca achca serviccunami paipac amocunamanta miticushpa puricuncuna.

1 SAMUEL 25:10 Referans Kwoze

JUECES 9:28

Chaipimi Ebedpac churi Gaalca: «¿Ñucanchic servingapacca Abimelecca pitacyari? ¿Siquem puebloca imatacyari? Abimelecca Jerobaalpac churillami. Cutin Zebulca paita servicllami. Abimelecta servinapac randica Siquempac taita Hamorpac huahuacunata servishpa causashunchic.

ISAÍAS 32:7

Llulla runaca ima shina pandachinallatami yuyarishpa purin. Llaquilla caccunata llullashpa pandachingapacmi pacalla yuyarishpa purin. Huacchacuna mandaccunapac ñaupapi cashcata ruhuachun mañacpipish llullashpami atin.

ISAÍAS 32:5

Misa runataca misa runa nishpallatacmi cayanga. Llulla runatapish llulla runa nishpallatacmi cayanga.

ECLESIASTÉS 7:10

Canca ama: «¿Imamantatac punta huatacunaca cai punzhata yalli alli carca?» ninguichu. Chaitaca mana alli yachacmi tapun.

1 REYES 12:16

Tucui israelcunaca paicuna mañashcata jatun mandac mana uyasha nicpica: «Davidmantaca, ¿imatatac ñucanchicca charinchic? ¿Israelpac churimantaca, ima japinatatac charinchic? ¡Israelcuna cancunapac, carpa huasicunaman richiclla! ¡David cunanca, cambac huasi ucupurata ricuilla!» nirca. Shina nishpami, israelcunaca paicunapac carpa huasicunaman rircacuna.

2 SAMUEL 20:1

Benjaminpac aillupuramanta Bicripac churi millaita ruhuac Sebami chaipi carca. Pai cornetapi tocashpa rimarishpaca: «¡Ñucanchicca Isaipac churi Davidmantaca ima ricunata, ima japinata mana charinchicchu! ¡Israelcuna cancunapac huasicunaman richiclla!» nirca.

1 SAMUEL 22:2

Shinallatac llaquichishca runacunapish, debiyuc runacunapish, shungupi llaquilla caccunapish Davidhuanmi tandarircacuna. Davidca paicunata pushacmi tucurca. Paica chuscu patsac shina runacunatami charirca.

1 SAMUEL 20:30

Shina nicpimi, Saulca Jonatanhuan yallita piñarishpa: —¡Mana cazushpa millaita ruhuac huarmipac huahua! Canllatac pingaichishca tucushpa, cambac mamatapish pingaichingapac Isaipac churihuan apanacuc cashcataca ¿Manachu ñucaca yachani?

ÉXODO 5:2

Shina nicpimi Faraonca: —Pai rimashcata uyashpa richun saquingapacca, ¿pitac Mandac Diosca? Mandac Dios nishcataca mana ricsinichu. Israelcuna richunpish mana saquishachu— nirca.

1 SAMUEL 25:9

David cachashca mosocunaca Nabalpacman chayashpaca, tucui nishcata Davidpac shutipi huillashpami, upalla shayacurcacuna.

PROVERBIOS 15:1

Sumacta rimashcaca piñarishcata allichinmi. Ashtahuan sinchita rimashcaca ashtahuanmi rabiachin.