1 SAMUEL 23:12 - Dios Rimashcata Quillcashcami

¹² Shina nicpi, Davidca cutinllatac tapushpaca: —¿Keila pueblopi causaccunaca ñucatapish, ñuca runacunatapish Saulpac maquipi churangacunachu?— nirca. Shina nicpimi, Mandac Diosca: —Ari, canta japichingacunami— nirca.

1 SAMUEL 23:12 Referans Kwoze

SALMOS 31:8

Piñacpac maquipica mana churarcanguichu. Ashtahuanpish ñuca chaquicunataca pi mana llaquichina pushtupimi churarcangui.

1 SAMUEL 23:20

Cunanca jatun mandaclla, can yuyashca shina, utca urai shamuilla. Ñucanchicmi can jatun mandacpac maquipi churashun— nirca.

SALMOS 62:1

Diosllami ñuca almataca samachin. Paillami ñucataca quishpichin.

HEBREOS 4:13

Tucui Dios ruhuashcacunami paipac ñaupamanta mana pacalla can. Imapish paipac ñaupapica mana pacashcachu. Paimanmi ñucanchicca tucui imatapish huillana canchic.

ISAÍAS 29:15

¡Aij, paicuna yuyarishcata ruhuangapac Mandac Diosmanta miticuccunalla! Paicunaca: «¿Ñucanchictaca pitac ricucun? ¿Pitac yachan?» nishpami, amsa tutapi imatapish ruhuancuna.

1 SAMUEL 23:7

Keila puebloman David shamushcata Saulman huillacpimi, Saulca: «Diosmi ñuca maquipi churashca. Chaimantami Davidllatac puebloman yaicushpa, pungucunata huichcarishpa aldabarishca» nishpa yuyarca.

SALMOS 118:8

Gentecunapi shunguta churanapac randica, Mandac Diospi shunguta churashpa causanami alli.

JUECES 15:10

Chaipimi Judá aillucunaca: —¿Ima nishpatac ñucanchic-huan macanacungapac shamungui?— nishpa filisteocunataca tapurca. Shina tapucpi filisteocunaca: —Sansonta japishpa pai ima ruhuashca shinallatac paitapish llaquichingapacmi shamunchic— nircacuna.

1 SAMUEL 23:11

¿Keila pueblopi causaccunaca Saulpac maquipi ñucata churangacunachu? ¿Canta servic ñuca uyashca shina Saulca urai shamungachu? Israelcunata Mandac Dioslla, canta servic ñuca tapushcataca huillaiyari— nirca. Shina tapucpi Mandac Diosca: —Ari, Saulca urai shamungami— nirca.

JEREMÍAS 11:18

Ñucata piñaccuna ñucata huañuchinata pacalla yuyarishcataca Mandac Diosmi huillarca.

SALMOS 143:8

Canllapimi shunguta churani. Chaimanta can yallita cuyac cashcataca tutamanta huillaiyari. Ñuca ima shina causanata yachachiyari. Ñuca almataca canmanmi mingarcani.