1 SAMUEL 22:19 - Dios Rimashcata Quillcashcami

¹⁹ Shinallatac curacuna causana Nob puebloman rishpami caricunatapish, huarmicunatapish, huahuacunatapish, chuchucuc huahuacunatapish espadahuan huañuchirca. Shinallatac huagracunatapish, burrocunatapish, ovejacunatapish espadahuan chugrichishpami tucui huañuchirca.

1 SAMUEL 22:19 Referans Kwoze

1 SAMUEL 15:3

Shina cashcamanta amalecitacunata tucui huañuchigri. Paicuna ima charishcacunataca mana llaquishpa tucui chingachingui. Caricunata, huarmicunata, huahuacunata, chuchucuc huahuacunata, vacacunata, ovejacunata, camellocunata, burrocunatapish mana llaquishpa tucui huañuchingui” ninmi— nirca.

SANTIAGO 2:13

Shuccunata mana llaquiccunataca, paicunatapish mana llaquishpami, Diosca taripashpa llaquichinga. Ashtahuanpish shuccunata llaquiccunataca, taripana punzhapica alli ningami.

OSEAS 10:14

Chaimantami cancunapac llactacunapica yallita caparinacui tiyanga. Tucui jatun torrecunami urmanga. Bet-arbel llactapi causaccunahuan macanacui punzhapi, jatun mandac Salmán mamacunatapish, paipac huahuacunatapish ñutuchishpa tucuchishca shinami tucuchinga.

ISAÍAS 10:32

Cunanllatacmi Nob llactaman shamushpa, Jerusalenpi tiyac Sión urcu ladoman maquita chutanga.

NEHEMÍAS 11:32

Anatot, Nob, Ananías,

1 SAMUEL 22:11

Shina nicpimi, jatun mandac Saulca, Ahitobpac churi Ahimelec curatapish, paipac taitapac tucui familiacunatapish, Nob pueblomanta curacunatapish cayachun cacharca. Shina cayachicpimi, jatun mandacpacman tucui shamurca.

1 SAMUEL 22:9

Shina nicpimi, Saulta serviccunata mandac Edom llactamanta Doegca: —Ñucami Isaipac churitaca Nob pueblopi causac Ahitobpac churi Ahimelecpacman ricta ricurcani.

1 SAMUEL 21:1

Davidca Nob pueblopi causac Ahimelec curapacmanmi rirca. Ahimelec cura Davidta ricushpaca yallita mancharishpami: —¿Ima nishpatac pitapish mana pushashpa canlla shamungui?— nirca.

1 SAMUEL 15:9

Saulpish, paipac soldadocunapish Agagtaca mana huañuchircachu. Shinallatac alli ovejacunatapish, huagracunatapish, tucui huira animalcunatapish, cari ovejacunatapish, tucui allicunataca mana tucuchishpami imapish mana valic yangacunallata tucui tucuchirca.

JOSUÉ 6:21

Chaiman yaicushpaca, chaipi tucui causaccunatami espadahuan huañuchishpa, caricunatapish, huarmicunatapish, quipa huiñaicunatapish, yuyaccunatapish tucuchirca. Chashnallatac huagracuna, ovejacuna, burrocunacamanmi tucuchirca.

JOSUÉ 6:17

Shina cacpipish, Mandac Diosca cai pueblopi causaccunataca chaipi tucui imalla tiyashcacunandi tucuchingapacmi chicanyachishca. Huainayashpa causac Rahab huarmillami paipac huasipi tiyaccunandi mana huañunga. Paica ñucanchic cachashca pacalla ricuc runacunata pacashpa, mana huañuchichun saquishcamantami mana huañuchishca canga.

SAN MATEO 21:16

Chaimantami Jesustaca: —Chai huahuacuna ima nicuctaca, ¿manachu uyangui?— nirca. Chashna nicpimi Jesusca: —Ari, uyanimi. Cancunaca, ¿manachu Dios quillcachishcapi ima nicushcataca ricushcanguichic? Chaipica: “Uchilla huahuacunatapish, chuchucuc huahuacunatapish canta alli nichunca rimachishcanguimi” ninmi— nirca.

1 SAMUEL 15:8

Amalecitacunata jatun mandac Agagtaca causacta prezushpami, tucui gentecunataca espadahuan huañuchirca.