1 SAMUEL 22:18 - Dios Rimashcata Quillcashcami

¹⁸ Chaimantami jatun mandac Doegtaca: —¡Can tigrarishpa curacunata huañuchi!— nirca. Shina nicpimi, chai punzhaca Edom llactamanta Doegca linomanta ruhuashca efodta churarishca pusac chunga pichca curacunata huañuchirca.

1 SAMUEL 22:18 Referans Kwoze

SOFONÍAS 3:3

Paicunata mandaccunaca leoncuna shinami huacacun. Juezcunaca tuta animalta japishpa, tutamantapac shuc tullullatapish mana puchuchic shinami cancuna.

MIQUEAS 6:16

Jatun mandac Omri mandashcacunallatacmi pactachircangui. Acab aillucuna imata ruhuashpa causashcatami ruhuashpa purircangui. Chaimantami llaquinayaita tucuchisha. Cai llactapi causaccunatapish burlashpa asingacunami. Canmantami ñuca acllashcacunaca pingaichishca canga» ninmi.

OSEAS 7:3

Paicunaca millaita ruhuashpami jatun mandacta cushichin. Cutin llullashpaca caishuc mandaccunatami cushichin.

OSEAS 5:11

Efraín ailluca shungupi nanarishpa yallita llaquirishcami. Paicunaca yanga dioscunallatami catina yuyarca.

2 CRÓNICAS 24:21

Ashtahuanpish paitaca pacalla llaquichinatami yuyarinacurca. Paicunaca jatun mandac mandacpimi, Mandac Diospac huasi pungu pambapi Zacariastaca rumicunahuan shitashpa huañuchirca.

1 SAMUEL 2:36

Ashtahuanpish cambac huasi ucupuramanta saquirishca runa, asha cullquita, asha micunata charingaraicu chai runapac ñaupapi cungurishpaca: ‘Asha micunata charingapac curacuna ruhuana cashcapi ayudangapac ñucata churaiyari’ nishpa mañangami” ninmi» nirca.

1 SAMUEL 2:28

Ñuca altarman rishpa, ñucapac ñaupapi efodta churarishpa, inciensota rupachichunmi tucui Israel aillucunamanta ñucapacllata ruhuac cura cachun acllarcani. Shinallatac israelcuna ofrendata ñucaman cushcatapish, cambac taitacunapac huasi ucupuramanmi curcani.

1 SAMUEL 2:18

Samuel huambraca linomanta ruhuashca efodta churarishpami, Mandac Diospac ñaupapi Diospacta ruhuac carca.

ÉXODO 28:40

Aaronmanpish, paipac churicunamanpish tunicata, chumbita shinallatac mitratapish sumac jagan nicucta ruhuangui.

SALMOS 78:64

Paicunapac curacunatapish espadahuanmi huañuchirca. Viuda huarmicunaca mana llaquirishcata ricuchi pudircachu.

PROVERBIOS 24:15

Diosta mana manchac runalla, cashcata ruhuac runapac carpataca ama shuhuac shina muyuichu. Paipac huasi ucupi ima tiyashcatapish, ama shuhuashpa apaichu.