1 SAMUEL 22:15 - Dios Rimashcata Quillcashcami

¹⁵ ¿Ñucaca Diosmanca punta cutinchu Davidmantaca tapurcani? ¡Mana chashnachu! Canta servic ñucaca canta huañuchisha nicushcataca ashallatapish mana yachanichu. Chaimanta canta servic ñucatapish, ñuca taitapac huasi familiatapish ama yanga juchanchichu— nirca.

1 SAMUEL 22:15 Referans Kwoze

1 SAMUEL 25:36

Shina nicpimi, Abigaíl huarmica Nabalpacman cutirca. Huasipica Nabalca jatun mandaccuna micuna shina jatun micuitami ruhuashca carca. Paipac shungupica yallita cushilla cashpami, yallita machashca carca. Shina cacpimi, Abigaíl huarmica cayandi punzhacaman imata mana huillarca.

2 CORINTIOS 1:12

Ñucanchic causaipica imatapish cashcata ruhuashpa, chuya shunguhuan causacushcatami yachanchic. Ashtahuancarin cancunahuanmi chashna causarcanchic. Chashnaca mana gentecunapac yachaillamanta ashtahuanpish Diospac cuyaillamantami chashna causacunchic.

2 SAMUEL 15:11

Absalonhuanca ishcai patsac gentecunatami Jerusalenmanta cayashpa aparirca. Paicunaca imata ruhuagricushcata mana yachashpami rirca.

1 SAMUEL 22:16

Shina nicpimi, jatun mandacca: —¡Ahimelec canpish, cambac taitapac huasi familiapish huañunami canguichic!— nirca.

2 SAMUEL 5:19

Chaimantami David Mandac Diosta tapushpaca: —¿Filisteocunahuan macanacungapac huichai rinachu cani? ¿Paicunata ñuca maquipi churanguichu?— nirca. Shina nicpimi Mandac Diosca: —Macanacugrilla, paicunataca cambac maquipimi churasha— nirca.

2 SAMUEL 5:23

Chaimanta David Mandac Diosta tapucpi paica: —Paicunahuanca ama macanacungapac llucshichu. Ashtahuanpish bálsamo yuracuna tiyac pushtupi muyushpa japigri.

2 SAMUEL 19:18

Paica jatun mandacta ayudashpa pasachishpa pai munashcata ruhuangapacmi jatun yacuta pasarca. Jatun mandac Jordán yacuta ña pasagricpimi, Gerapac churi Simeica paipac ñaupapi cumurishpa,

2 SAMUEL 19:19

jatun mandactaca: —Can jatun mandac Jerusalenmanta llucshicucpi, canta servic ñuca mana allita ruhuashcata perdonangui. Ama yuyaringuichu. Cai ñuca piñachishcataca ama shungupi huacaichishpa charinguichu.