1 SAMUEL 20:42 - Dios Rimashcata Quillcashcami

⁴² Chai quipami Jonatanca Davidtaca: «Imatapish mana manchashpa rilla. Ñucanchicca ishcaitami Mandac Diospac ñaupapi: “Mandac Dios cantapish, ñucatapish, cambac huahuacunatapish, ñucapac huahuacunatapish huiñaita ricuchun” nishpami ari nircanchic» nirca. Shina nicpimi, Davidca jatarishpa rirca. Shinallatac Jonatanpish puebloman cutirca.

1 SAMUEL 20:42 Referans Kwoze

1 SAMUEL 1:17

Shina nicpimi Elica: —Cunanca cushicushpa rilla. Israelcunapac Diosca can imata mañashcataca cushca cachun— nirca.

1 SAMUEL 23:18

Ishcaita Mandac Diospac ñaupapi ari ninacushpami, Davidca Hores pamballapitac saquirirca. Cutin Jonatanca paipac huasimanmi cutirca.

HECHOS 16:36

Chaimantami carcelta cuidacca Pablotaca: —Mandaccunami cancunataca cacharichun mandashca. Chaimanta cunanca, cushilla richiclla— nirca.

SAN LUCAS 7:50

Chaimantami Jesusca chai huarmitaca: —Can crishcamantaca, ña quishpichishcami cangui. Cunanca cushicushpa rilla— nirca.

1 SAMUEL 20:15

ñuca familiataca tucui causaipi llaquingui. Davidta piñaccunata Mandac Dios cai pachamanta shucllancaman tucuchicpipish ñuca huasi ucupuracunata llaquinataca amatac saquinguichu— nirca.

NÚMEROS 6:26

Mandac Dios cushi causaita cuchun nishpa israelcunata bendicianguichic” nishpa mandarca.

1 SAMUEL 20:16

Jonatanca: —¡Canta piñaccunataca Diosllatac llaquichichun!— nishpami Davidpac huasi ucupuracunahuan ari ninacurca.

1 SAMUEL 25:35

Shina nishpa Davidca Abigaíl imalla apamushcata japishpaca: —Imatapish mana manchashpa, cambac huasiman rilla. Riqui, can ima nishcatapish uyashpami cazuni— nirca.

2 SAMUEL 9:1

Chai quipami Davidca: «¿Jonatanta cuyashcamanta ayudangapac Saulpac huasi ucupuramanta maijan causacungaracchu?» nishpa tapurca