1 SAMUEL 20:30 - Dios Rimashcata Quillcashcami

³⁰ Shina nicpimi, Saulca Jonatanhuan yallita piñarishpa: —¡Mana cazushpa millaita ruhuac huarmipac huahua! Canllatac pingaichishca tucushpa, cambac mamatapish pingaichingapac Isaipac churihuan apanacuc cashcataca ¿Manachu ñucaca yachani?

1 SAMUEL 20:30 Referans Kwoze

PROVERBIOS 21:24

Cariyac, jatun tucuc runataca mana cazushpa asic runa nincunami. Yallita cariyashpa mana cazushpami, imatapish ruhuan.

EFESIOS 6:4

Shinallatac taita mamacunapish, cancunapac huahuacunata ama piñachichicchu. Chaipac randica allita ruhuana cashcata rimashpa Diospac shimita yachachichic.

EFESIOS 4:31

Shungu ucullapi piñashca canata, imapish llaquichinata, pitapish piñanata, camishpa rimanata, rimashpa caparinata, shinallatac tucui mana allicunataca saquichic.

SAN MATEO 5:22

Ashtahuanpish ñucaca: Maijanpish piñactaca, juezpacman apashpa llaquichishcami canga. Maijanpish muspa nictaca, mandaccunapura tandanacushcapacman apashpa, llaquichishcami canga. Maijanpish imatapish rimactaca, ucu pacha ninaman shitana nishcami canga ninimi.

PROVERBIOS 27:3

Rumipish llashacmi. Tiyu allpapish llashacllatacmi. Ashtahuanpish mana entendic runa yallita piñarishcami chai ishcaicunata yalli llashac.

PROVERBIOS 25:28

Mana jarcarishpa utca piñaric runaca muyundi pirca urmashca pueblo shinami.

PROVERBIOS 19:19

Yallita piñaric runaca llaquimi tucunga. Paita ayudacpica, ashtahuan millaita ruhuashpami catinga.

PROVERBIOS 19:12

Jatun mandac piñarishpaca león huacac shinami manchachin. Pai alli ruhuashcaca garua quihuapi urmashca shinami.

PROVERBIOS 15:2

Yuyaisapacunapac rimashcaca alli yachaicunatami riman. Ashtahuanpish yuyai illac runaca manapish canatami rimarin.

PROVERBIOS 14:29

Alli yuyaita chariccunami mana utca piñarin. Ashtahuanpish shungupi utca piñaric runaca yuyai illac cashcatami ricuchin.

JOB 5:2

Yuyai illac runataca piñarina yuyai, shuccuna charishcata munana yuyaimi huañuchicun.

1 SAMUEL 20:29

Paica: “Ñucanchic familiacunami chai pueblopi Diosman cushpa animalta huañuchishpa fiestata ruhuacuncuna. Ñuca huauquica ñucatami shamuchun nishca. Chaimanta ñuca cambac ñaupapi alli ricurishca cacpica, ñuca huauquicunata ricungapac richun saquiyari” nirca. Chaimantami jatun mandac-huan micungapacca mana shamushca— nirca.

1 SAMUEL 20:31

Isaipac churi cai pachapi causacucpica cambac causaipish, can mandanapish manchaillami causanguichic. Cunanca pushamuchun cachai. Paica huañuchishcatacmi canga— nirca.