1 SAMUEL 20:13 - Dios Rimashcata Quillcashcami

¹³ Ashtahuanpish ñuca taita canta llaquichisha nicushcata yachashca jahua mana huillacpica, Mandac Diosllatac sinchita, ñucata llaquichichun. Mandac Diosca ñuca taitata pushashca shinallatac cantapish alli pushachun.

1 SAMUEL 20:13 Referans Kwoze

1 CRÓNICAS 22:16

Curipish, cullquipish, broncepish, fierropish maita mana yupaipacmi tiyacun. ¡Jatarishpa utca ruhuai callarilla! Mandac Diosca canhuan cachun» nirca.

1 CRÓNICAS 22:11

Cunanca ñuca huahualla, Mandac Dios canhuan cachun. Imata can ruhuacpipish, allimi llucshinga. Shinallatac canta Mandac Diospac huasitaca Dios canta ima shina mandashca shinallatac shayachingui.

1 SAMUEL 17:37

Chashnallatacmi Davidca: —Mandac Diosca leonpac, osopac shimimantapish quishpichircami. Paillatacmi cai filisteo runapac maquimantapish quishpichinga— nirca. Shina nicpimi, Saulca Davidtaca: —¡Shina cashpaca rilla! Mandac Dios canhuan cachun— nirca.

RUT 1:17

Maipimi can huañungui, chaipimi ñucapish huañusha, chaillapitacmi enterrashca casha. Ñuca nishcata mana pactachishpa canta saquishpa ricpica, Mandac Diosllatac yallita llaquichichun. Ñucanchic ishcaimantaca huañushpami raquirishun— nirca.

JOSUÉ 1:5

Cambac tucui causaipimi canhuanca pipish mana macanacui pudinga. Ima shinami Moises-huan carcani, shinallatacmi canhuanpish casha. Cantaca mana saquishachu.

1 SAMUEL 3:17

Shina nicpimi Elica: —¿Diosca imatatac canman huillarca? Pai ima nishcataca mana pacashpa huillai. Canman tucui ima parlashcata pacashpa mana huillacpica, Diosllatac cantaca yallita llaquichichun— nirca.

FILIPENSES 4:9

Ñucamanta imata yachacushcatapish, imata chasquishcatapish, imata ricushcatapish, imata uyashcatapish, chaicunata ruhuashpa catichic. Sumac causaita cuc Diosca cancunahuanmi canga.

SAN MATEO 28:20

Ñuca cancunaman mandashpa yachachishcacunata paicunapish cazuchun yachachinguichic. Ñucaca cai pacha tucuringacamanmi, cancunahuanca casha» nirca.

1 REYES 20:10

Shina huillacpimi, Ben-adadca Acabman huillachun cutin cachashpaca: «Cai Samaria puebloca ñuca soldadocuna maqui junda allpata apashpa ringapacpish mana pactangachu. Mana chashna ruhuacpica, ñuca dioscuna yallita llaquichichun» nishpa cacharca.

1 REYES 19:2

Shina huillacpimi, Jezabel Eliasman huillachun shuc huillacta cachashpaca: «Chai huillaccunata huañuchishca shinallatac cantapish caya cashna horasllatatac mana huañuchicpica, ñucatapish dioscunaca yallita llaquichichun» nishpami huillachun cacharca.

2 SAMUEL 19:13

Shinallatac Amasaca: “¿Canca manachu ñuca tullullatac, ñuca aichallatac cangui? Cunanmanta ñaupaman Joabpac randi tucui soldadocunata mandac cachun churacpica, Mandac Diosllatac ñucata llaquichichun ninmi” nigrichic» nirca.

2 SAMUEL 7:15

Shina ruhuashpapish, llaquicushallami. Saulta llaquichishca shinaca mana saquishachu. Saultaca cambac ñaupallapitacmi chingachircani.

2 SAMUEL 3:35

Chashna huacacucpimi manarac chishiyacpi, tucui gentecuna jatun mandacpacman chayarishpaca ashallatapish micuiyari nirca. Shina nicpipish mandac Davidca: «¡Manarac inti yaicucpi, tandata mana cashpaca imallatapish ñuca micucpica, Dios ashtahuan ñucata llaquichichun!» nishpa ari nirca.

1 SAMUEL 25:22

Shina cashcamanta paipac huasi ucupurata caya tutamantacaman tucui caricunata ñuca mana huañuchicpica, ¡chaimantapish yallita Dios ñucata llaquichichun!» nirca.

1 SAMUEL 18:12

Mandac Dios paimanta anchurishpa Davidhuan cacta yachashpami Saulca mancharca.

1 SAMUEL 14:47

Saulca Israel llactapi jatun mandac tucushpami, muyundi llactapi causac paita piñac Moab, Amón, Edom llactapi causaccunahuan, Soba llactata jatun mandac-huan, filisteocunahuan macanacurca. Maiman rishpapish paica aticmi carca.

1 SAMUEL 10:7

Ñuca huillashcacuna chashnatac pactacpica, can imata ruhuasha nishcata ruhuailla. Diosca canhuanmi canga.

1 SAMUEL 19:3

Ñuca taitahuan pambaman rishpaca, can maipimi cangui chai pushtupimi paihuan casha. Chaipimi can ima shina cashcata ñuca taitaman parlagrini. Pai ima nishcatapish canman huillachun cachashallami— nirca.

1 SAMUEL 20:12

Chaipimi Jonatanca Davidtaca: —Israelcunata Mandac Dios ricucunmi. Caya cashpa, mincha cashpa cai horasllatatacmi ñuca taita imata yuyacushcata tapushpa yachasha. Canmanta allita yuyacucpica, huillachun cachashallami.

1 SAMUEL 20:14

Ñuca causacucpica, Mandac Dios llaquic shinallatac ñucatapish llaquingui. Ñuca huañucpica,

1 REYES 1:37

Mandac Diosca ima shinami ñuca amo jatun mandac-huan carca, chashnallatac Salomonhuanpish cachun. Pai mandanataca ñuca amo can jatun mandac David mandacushcatapish ashtahuan jatunta ruhuashca cachun— nirca.