1 SAMUEL 20:1 - Dios Rimashcata Quillcashcami

¹ Davidca Ramá pueblopi cac Naiot pambamanta miticushpa Jonatanpacman shamushpaca: —Cambac taita ñucata huañuchisha nichunca, ¿ñucaca imatatac ruhuashcaniyari? ¿Ima mana allitatac ruhuashcaniyari? ¿Mana cashpaca ima juchatatac ruhuashcaniyari?— nirca.

1 SAMUEL 20:1 Referans Kwoze

2 PEDRO 2:9

Mandac Diosca paipaclla causaccunataca imapish llaquicunamanta quishpichinmi. Millai gentecunataca pai taripashpa, llaquichina punzhacamanmi huacaichishpa charicun.

1 JUAN 3:21

Cuyashca huauquicuna, shina ñucanchic shungu imata mana juchanchicpica, Diospac ñaupapipish allillatacmi cashun.

2 CORINTIOS 1:12

Ñucanchic causaipica imatapish cashcata ruhuashpa, chuya shunguhuan causacushcatami yachanchic. Ashtahuancarin cancunahuanmi chashna causarcanchic. Chashnaca mana gentecunapac yachaillamanta ashtahuanpish Diospac cuyaillamantami chashna causacunchic.

1 SAMUEL 24:17

Chai quipami Davidtaca: —Ñuca canta mana allita ruhuacucpipish, canca allitami ñucamanca ruhuashcangui. Chaimantami canca ñucata atishpa cashcata ruhuac cangui.

1 SAMUEL 24:11

¡Riqui, ñuca taitalla! Cambac jahualla churanata ashata pitishcataca ñuca maquipimi charicuni. Shina pitishpapish cantaca mana huañuchircanichu. Cunanca ñuca mana millai cashcatapish, canta huañuchingapac mana mashcacushtapish canllatac ña yachanguimi. Ñucaca ima juchata mana ruhuashcanichu, ashtahuanpish canmari ñucata huañuchisha nishpa mashcashpa puricungui.

1 SAMUEL 24:9

Chaipimi Davidca Saultaca: —Riqui, Davidca cantaca huañuchisha nicunmi nishpa huillaccunataca ¿Ima nishpatac cringuiyari?

1 SAMUEL 12:3

Cunanpish caipimi cani. Cunan imatac nina cashpapish, mandac Diospac ñaupapi nichiclla. Huagrata cashpa, burrota cashpa maijanmanta quichushca cacpica, ñahui ñahui nichiclla. Maijanta cashpapish yanga juchanchishpa llaquichishca cacpi, mana cashpaca maijanmanta imatapish pacalla japishpa ñahuita huichcac shina mana ima nishpa saquishca cacpica huillaichiclla. Ñucaca cancunaman ima cutichina cacpipish cutichishallami— nirca.

1 SAMUEL 20:2

Shina nicpimi Jonatanca: —¡Riqui, canca manatac huañunguichu! Ñuca taitaca jatun ruhuaita cashpa, uchilla ruhuaita cashpapish ñucaman mana huillashpaca mana ruhuangachu. ¿Ima nishpatac caitaca ñuca taitaca upalla tucunyari? Mana chashnachu canga— nirca.

SALMOS 54:3

Mana ricsishcacunami ñucataca llaquichingapac jatarishca. Jatun llaquita ruhuaccunami ñucata huañuchingapac mashcacuncuna. Can Diostaca imalaya mana yuyarincunachu.

1 SAMUEL 19:1

Saulca paipac churi Jonatantapish, paita serviccunatapish, Davidta huañuchichunmi mandarca. Shina cacpipish Saulpac churi Jonatanca maimi Davidtaca cuyac carca.

1 SAMUEL 19:18

Chashna pacalla rishpami Davidca Ramá pueblopi causac Samuelpacman chayarca. Chaiman chayashpaca Saúl paita tucui ima ruhuashcatami parlarca. Chai quipami Davidca Samuelhuan Naiot pambapi causangapac rirca.

1 SAMUEL 20:32

Shina nicpimi, Jonatanca paipac taita Saultaca: —¿Ima nishpatac huañungayari? ¿Paica imatatac ruhuashcayari?— nirca.

1 SAMUEL 24:12

Cantapish, ñucatapish Mandac Diosllatac ricuchun. Ñucata can llaquichishcamantaca Mandac Diosllatac llaquichichun. Ashtahuanpish ñuca poderhuanca mana llaquichishachu.

1 SAMUEL 26:18

Shinallatac: —¿Ima nishpatac ñucata mandac canta servic ñucataca llaquichingapac catinguiyari? ¿Imatatac ruhuashcaniyari? ¿Ima mana allitatac ñuca maquihuanca ruhuashcaniyari?