1 SAMUEL 2:8 - Dios Rimashcata Quillcashcami

⁸ Imata mana charictapish ñuto allpamantami jatarichin. Imatapish mana charictaca mapa shitanamanta llucchishpami jatun nishcacunahuan tiyachin. Jatun mandaccunahuan tiyachingapacmi chashnaca ruhuan. Allpa callari sapitaca Mandac Diosmi ruhuarca. Chai callari jahuapimi, cai pachata churarca.

1 SAMUEL 2:8 Referans Kwoze

DANIEL 2:48

Chaimantami jatun mandacca Danielta alli nishpa, sumaccunata curca. Shinallatac Babilonia llactata mandac cachun, chai llactapi causac yachaccunatapish mandac cachunmi churarca.

SANTIAGO 2:5

Ñuca cuyashca criccuna: Diosca cai pachapi imata mana chariccunataca, crishcahuan chayuc tucuchun, Dios maipi mandacucpi paita cuyaccuna Pai cusha nishcata japichunmi, chashnaca acllarca.

DANIEL 6:3

Shina cacpipish, Danielca tucui chai mandaccunata, prefectocunatapish yalli ashtahuan yuyaisapami carca. Chaimantami jatun mandacca pai mandana tucui llactacunata mandachun churanata yuyarirca.

APOCALIPSIS 1:6

paihuan mandaccuna cachun, paipac Diospacta ruhuac curacuna cachun ruhuac ¡Jesucristotaca tucui mashna huiñaita “Jatun Mandacmi cangui, allimari cangui” nichuncuna! Chashna cachun.

ECLESIASTÉS 4:14

Pai carcelmanta llucshishca cashpapish, mana cashpaca huaccha cashpapish, jatun mandacmi tucurca.

1 SAMUEL 15:17

Shina nicpimi Samuelca: —Can, cambac yuyaipi yanga runami cani yuyacpipish, ¿manachu cantaca Israel aillucunata mandac cachun churarca? Mandac Diosmi cantaca Israel llactata jatun mandac cachun aceitehuan cahuishpa acllarca.

APOCALIPSIS 22:5

Mandac Diosllatac achicyachicucpimi, tutaca ña mana tiyanga. Shina cacpimi intipish, achicyachic lamparapish achicyachingapacca mana tiyana can. Shinallatac paicunaca huiñai huiñaitami mandangacuna.

APOCALIPSIS 5:10

Chashnami ñucanchicta Mandac Diospacta ruhuaccuna, jatun mandaccuna, curacuna cachun ruhuashcangui. Shina cashpami cai pachataca mandashun» nircacuna.

2 SAMUEL 7:8

Shina cashcamanta ñucata servic Davidtaca: ‘Tucuita Mandac Diosca: Ñucami cantaca ovejacunata michishpa puricucpi, ñuca israelcunata mandac cachun acllarcani.

APOCALIPSIS 3:21

Ima shinami millaita ñuca mishashpa ñuca Taita mandashpa tiyarinapi paihuan mandangapac tiyarircani, chai shinallatacmi maijanpish millaita mishacmanca ñucahuan mandachun ñuca mandashpa tiyarinapi ñucahuan tiyarichun cusha.

HEBREOS 1:3

Diospac Churimi pai jatun cashcata ricuchicun. Paica Dios shinallatacmi can. Diospac Churica tucui ima tiyashcataca, paipac poderhuanmi mandacun. Paica ñucanchic juchacunata pichashpami, jahua pacha Dios mandacuc alli maquiman tiyarigrirca.

SALMOS 104:5

Allpataca callari rumicuna jahuapimi sinchita ruhuarcangui. Chaimantaca pipish mana cuyuchingachu.

SALMOS 102:25

Imapish manarac tiyacpimi, cai pachataca ruhuarcangui. Jahua pachaca cambac maquihuan ruhuashcami can.

SALMOS 24:2

Paimi cai pachataca mama cucha jahuapi churashpa chai jahuapi sinchita tiyachirca.

GÉNESIS 41:14

Chashna nicpimi, Faraonca Joseta cayachun cacharca. Shina cachacpimi, paitaca carcelmanta llucchirca. Chashna huillacpimi, Joseca barbasta anchuchishpa, shuctac churanata churarishpa, Faraonpacman rirca.

JOB 2:8

Shina ruhuacpimi, Jobca uchupapi tiyarishpa, callana paquishcahuan aspiricurcalla.

GÉNESIS 41:40

Canmi ñuca huasitapish mandangui. Tucui llactacunapi causaccunami cantaca cazunga. Ñucallami jatun mandac cashcamanta canta yalli casha.

DANIEL 4:17

Angelcunaca cai pacha runacunapac llactataca jahua pacha Dios mandacushcata, chai mandanata pai piman cusha nishpaca cuclla cashcatapish, tucuimanta yalli yangalla runata mandanapi churac cashcata causaita chariccuna yachachunmi chashna mandashpa huillarca’ nirca.

1 REYES 16:2

«Cantaca ñuto allpamanta jatarichishpami, ñuca acllashca israelcunata mandachun churarcani. Ashtahuanpish canca Jeroboam shinallatac juchata ruhuashpami ñuca acllashca israelcunatapish juchata ruhuachishcangui. Can ruhuashca juchacunahuanmi ñucataca yallita llaquichingui.

2 REYES 9:6

Shina nicpimi, Jehuca jatarishpa, ucuman yaicurca. Chai ucupimi chai moso aceitehuan umapi cahuishpaca: —Israelcunata Mandac Diosca: “Ñucami, cantaca ñuca acllashca israelcunata jatun mandac cachun aceitehuan cahuini.

JOB 1:21

Chashna alli nishpaca: «Ñuca mamapac huicsamantaca lluchullami llucshircani. Lluchullallatacmi allpaman cutina cani. Mandac Diosmi ñucaman curca. Mandac Diosllatacmi quichurca. ¡Mandac Diospac shutica alli nishca cachun!» nirca.

SALMOS 75:3

Allpa, chaipi causaccunandi chucchucpica, ñucallatacmi pilarcunata charisha» ninmi.

SALMOS 75:7

Ashtahuanpish Diosmi taripashpa, maijantaca cumurichin, maijancunataca cushichin.

SALMOS 107:41

Shina cacpipish, huacchacunata llaquimanta llucchishpami, paicunapac familiatapish oveja corral shinata mirachin.

ISAÍAS 22:23

Paitaca sinchi pushtupi clavashca clavota shinami sinchita churasha. Chaipimi paipac taitapac familiacunapac alli nishca canga.

SALMOS 75:4

Jatun tucushcacunatapish, mana cazuccunatapish rimashpaca: «¡Ña ama ashtahuan jatun tucushpa cushicuichicchu!