1 SAMUEL 2:31 - Dios Rimashcata Quillcashcami

³¹ Riqui, cantapish, cambac huasi ucupuracunatapish tucuchina punzhacuna chayamucunmi. Cambac huasi ucupuramantaca pipish yuyaccamanca mana causangachu.

1 SAMUEL 2:31 Referans Kwoze

EZEQUIEL 44:10

Israelcuna ruhuashcalla dioscunata adorangapac ñucamanta caruyacta ricushpaca, levitacunapish ñucamanta caruyarcami. Chaimantami paicunapish llaqui tucunga.

SALMOS 37:17

Diosta mana manchaccunapac rigraca paquishcami canga. Ashtahuanpish cashcata ruhuaccunata sinchiyachicca Mandac Diosmi.

JOB 22:9

Viuda huarmimanpish imata mana cushpami chushaclla maquita cacharcangui. Taita mama illac huahuacunatapish llaquichircanguimi.

1 REYES 2:35

Chai quipami jatun mandac Salomonca Joabpac randi soldadocunata mandachunca Joyadapac churi Benaiasta churarca. Shinallatac Abiatar curapac randica, Sadoc curatami cura cachun churarca.

1 SAMUEL 14:3

Ahitob runapac churi Ahiasmi efod nishcacunata apac carca. Ahitobca Fineespac churimi carca. Shinallatac Icabodpac huauquimi carca. Fineesca Elí curapac churimi carca. Elica Silo pueblopimi Mandac Diosta servic cura carca. Israelcunaca Jonatán rictaca mana yacharcacunachu.

1 SAMUEL 4:2

Filisteocunaca israelcunahuan macanacungapacmi allichirirca. Chai yalli sinchi macanacuipi filisteocuna israelcunata atishpami, chai pambapica chuscu huaranga israelcunata huañuchirca.

1 SAMUEL 3:12

Chai punzhapimi Elí curata llaquichishpa, paipac huasi ucupurata llaquichisha nishcataca callarimanta tucuricaman pactachisha.