1 SAMUEL 19:8 - Dios Rimashcata Quillcashcami

⁸ Cutinllatac filisteocuna macanacungapac shamucpimi, Davidca paicunahuan macanacungapac llucshirca. Paicunata atishpa achca gentecunata chugrichishpa huañuchicpimi, paipac ñaupamanta miticushpa callparcacuna.

1 SAMUEL 19:8 Referans Kwoze

SALMOS 27:3

Achca soldadocuna ñucata muyunacushpa shamucpipish, ñuca shunguca mana manchangachu. Ñucata huañuchingapac jatun macanacuita ruhuacpipish Paipimi shunguta churasha.

1 SAMUEL 19:7

Chai quipami Jonatanca Davidta cayashpa ima parlanacushcata tucui huillarca. Paimi Davidtaca Saulpacman pushamucpi, Davidca utcaman shinallatac Saulta servingapac saquirirca.

1 SAMUEL 19:9

Mandac Dios cachashca shuc millai espíritu shamushpami Saultaca cutin japirca. Saulca paipac huasipimi lanzata maquipi charicurca. Cutin Davidca arpapimi tocacurca.

1 SAMUEL 18:14

Davidca Mandac Dios paihuan cacpimi, ima ruhuanapipish allita ruhuac carca.

1 SAMUEL 18:30

Filisteocunata mandaccunaca macanacungapacmi shamushpa catirca. Chashna ima horas shamucpipish Saulta serviccunamanta yallica Davidmi ashtahuan atic carca. Chaimantami paitaca yallita cuyashpa, alli nic carca.

1 SAMUEL 23:5

Shina nicpimi, Davidca paipac runacunahuan Keila puebloman rishpa, filisteocunataca macashpa tucuita atirca. Chashna atishpami, paicunapac animalcunatapish quichushpa Keila pueblopi causaccunataca quishpichirca.

1 REYES 20:21

Chashna cacpipish, Israel llactata jatun mandacca catishpa rishpami, siriocunataca caballopi puric soldadocunatapish, carretapi puric soldadocunatapish chugrishpa achcata huañuchirca.