1 SAMUEL 19:20 - Dios Rimashcata Quillcashcami

²⁰ Chaimantami Saulca Davidta apamuchun paipac runacunata cacharca. Chaiman chayashpaca Dios ima nishcata huillaccuna tandanacushpa huillacucta, shinallatac chai huillaccunataca Samuel mandacuctami ricurca. Saúl cachashca runacunaca Diospac Espíritu paicunapacman shamucpimi, paicunapish Diosmanta huillarca.

1 SAMUEL 19:20 Referans Kwoze

SAN JUAN 7:32

Fariseocunaca gentecuna Jesusmanta parlanacuctami uyarca. Chaimantami fariseocunapish, curacunata mandac curacunapish Jesusta japichun soldadocunata cacharca.

JOEL 2:28

Cai tucuita ruhuashca quipaca, ñuca Espiritutami tucui gentecunapacman cachasha. Shina cachacpimi, cancunapac churicunapish, ushicunapish ñucamanta huillanga. Cutin yuyaccunaca muscungami. Quipa huiñaicunaca muscuipi shina ricungami.

1 SAMUEL 10:10

Paicuna chai lomaman chayacpica, Dios ima nishcata huillac runacunami tandanacushpa Saulta tupangapac llucshirca. Chaipimi Diospac Espíritu jatun poderhuan Saulpacman shamucpi, paicuna shinallatac Dios ima nishcata huillai callarirca.

1 SAMUEL 19:14

Saúl cachashca runacuna Davidta japingapac chayacpimi Micalca: —Davidca ungushcami— nirca.

1 SAMUEL 19:11

Chai quipami Saulca Davidpac huasipi chapashpa tutamanta Davidta huañuchichun paipac runacunata cacharca. Shina cacpipish paipac huarmi Micalmi Davidmanca: —Cunan tuta mana cuidarishpaca, cayapacca huañushcami cangui— nirca.

1 CORINTIOS 14:3

Dios ima nishcata huillacca criccunata sinchiyachingapac, cunangapac, cushichingapacmi riman.

NÚMEROS 24:2

Balaam huichailla ricushpaca, israelcuna cada aillu chican chican tiyacuctami ricurca. Chaipimi Diospac Espíritu paipacman shamurca.

1 SAMUEL 19:19

Chaita yachashpami Saulmanca: «Riqui, Davidca Ramá pueblopi tiyac Naiot pambapimi causacun» nishpa huillarcacuna.

1 SAMUEL 19:21

Chaita yachashpami Saulca shuccunata cutin cacharca. Paicunapish Diosmanta huillai callarircacunami. Chashna tucucpimi, cutinllatac Saulca shuctac runacunata cacharca. Caihuanca ña quimsa cutinmi cacharca. Paicunapish chashnallatacmi Diosmanta huillai callarirca.