1 SAMUEL 17:45 - Dios Rimashcata Quillcashcami

⁴⁵ Chaimantami Davidca chai filisteotaca: —Canca ñucahuan macanacungapacca espadahuan, uchilla lanzahuan, jatun lanzallahuanmi shamungui. Ashtahuanpish ñucaca tucuita Mandac Dios, Israel soldadocunapac Mandac Diospac shutipimi canhuan macanacungapac shamuni. Canca chai Diostami rimarishpa piñachircangui.

1 SAMUEL 17:45 Referans Kwoze

2 CORINTIOS 10:4

Ñucanchic macanacunaca mana cai pachapi tiyac macanacuna shinachu, ashtahuanpish Diospac podermi jatun pirca shina jarcaccunata tucui chingachipac can.

2 CRÓNICAS 32:8

Chai jatun mandacca runacunapac poderllahuanmi. Ashtahuanpish ñucanchicta macanacuipi ayudangapacca ñucanchicta Mandac Diosmi ñucanchic-huan» nirca. Judá llactata jatun mandac shina nicpica, mana manchashpami, tucui mashna sinchi tucurcacuna.

2 CORINTIOS 3:5

Tucui caicunataca mana ñucanchic yachac cashcallamantachu ruhuanchic, ashtahuanpish Diosmi ruhuachicun.

FILIPENSES 4:13

Imatapish ruhuaclla Cristohuanca tucui imatapish ruhuai pudini.

SALMOS 18:2

Mandac Dioslla, jatun rumimari cangui. Ñucata cuidashpa, llaquimantapish quishpichicmi cangui. Ñuca Dioslla, muyundita jarcac jatun pirca shinami cangui. Canpimi miticusha. Ñucata jarcac escudomi cangui. Tucuimanta yalli jatun ñuca miticunamari cangui. Ñucata quishpichicmi cangui.

SALMOS 124:8

Ñucanchicta ayudacca jahua pachatapish, cai pachatapish ruhuac Mandac Diospac shutipimi can.

1 SAMUEL 17:36

Canta servic ñucaca leonta cashpa, osota cashpa huañuchicllami carcani. Circuncisionta mana ruhuashca filisteo runaca causac Diospac soldadocunatami rimashpa llaquishca. Chaimanta paitapish chai animalta shinallatacmi huañuchisha— nirca.

ISAÍAS 37:23

¿Pitatac camishpa rimarcangui? ¿Pitatac jatun tucushpa, llaquichishpa, ñahuita alzashpa rimarcangui? ¡Israelcunapac jucha illac Diostami chashna rimarcangui!

1 SAMUEL 17:10

Shinallatac: —¡Cunanmi ñucaca Israel soldadocunahuan ricunacusha nini! ¡Ñucahuan macanacuchun shuc runata cachaichic!— nirca.

SALMOS 3:8

Can Mandac Diosmi quishpichic cangui. ¡Can acllashcacunata bendiciaiyari!

PROVERBIOS 18:10

Mandac Diospac shutica sinchi torre shinami. Cashcata ruhuac runa paipacman callpacpica ayudanmi.

SALMOS 44:6

Ñuca arcoca imapac mana valingachu. Ñuca espadapish mana quishpichingachu.

ISAÍAS 37:28

Can ima shina cactaca tucuitami yachani. Can maiman llucshictapish, cutictapish, can ñucata yallita piñarishcatapish yachanimi.

1 SAMUEL 17:26

Shina cacpimi, Davidca paipac ladopi caccunataca: —Cai filisteo runata huañuchishpa, israelcunata llaquichishpa rimacta tucuchicpica, ¿imatatac cunga? Causac Diospac soldadocunata llaquichic mana circuncisionta ruhuashca filisteo runaca, ¿imatacyari?— nirca.

1 SAMUEL 17:6

Changacunapipish broncellamantatac ruhuashca churanata churashcami carca. Paipac rigra jahuapi charicushca lanzapish broncellamantatacmi carca.

2 CRÓNICAS 14:10

Chaimantami Asaca paicunahuan macanacungapac Maresa pueblo ladopi cac Sefata pambapi macanacungapac allichirirca.

SALMOS 20:8

Paicunaca mishacpimi irquiyashpa urmancuna. Ashtahuanpish ñucanchicca sinchitami shayacunchic.