1 SAMUEL 17:36 - Dios Rimashcata Quillcashcami

³⁶ Canta servic ñucaca leonta cashpa, osota cashpa huañuchicllami carcani. Circuncisionta mana ruhuashca filisteo runaca causac Diospac soldadocunatami rimashpa llaquishca. Chaimanta paitapish chai animalta shinallatacmi huañuchisha— nirca.

1 SAMUEL 17:36 Referans Kwoze

1 SAMUEL 17:10

Shinallatac: —¡Cunanmi ñucaca Israel soldadocunahuan ricunacusha nini! ¡Ñucahuan macanacuchun shuc runata cachaichic!— nirca.

ZACARÍAS 12:3

Chai punzhapica Jerusalentaca muyundi llactacunapi causaccunapac llashac jatun rumi shinatami ruhuasha. Chai rumita alzasha niccunaca tucuimi ñuturinga. Tucui cai pacha llactacunamantami paita llaquichingapac tandanacunga.

ZACARÍAS 2:8

Maijanpish cancunata llaquichicca ñuca ñahui muruta tucsic shinami llaquichin. Ñucata jatunyachishca quipami cancuna ima charishcata quichuccunapac llactacunaman cachasha. Chaitaca tucuita Mandac Dios ñucami» nini.

EZEQUIEL 32:19

Canca: “¿Shuccunamanta ashtahuan sumaimanachu cangui? ¡Circuncisionta mana ruhuashcacunahuan pacta richic!” ningui.

ISAÍAS 36:18

Ezequías: ‘Mandac Diosca quishpichingallami’ nishpa, pandachichun ama saquichicchu. ¿Shuctac llactapac maijan dioscunaca Asiria llactata jatun mandacpac maquimanta quishpichi pudircachu?

ISAÍAS 36:15

Shinallatac Ezequías: ‘Mandac Diosca ñucanchicta quishpichingatacmi. Cai llactataca Asiria llactata jatun mandacpac maquipica mana churangachu’ nishpa, Mandac Diospi shunguta churachunpish ama saquinguichicchu” nirca.

ISAÍAS 10:15

¿Hachaca yantata chictac runata yallichu canga? ¿Serruchopish cuchuc runataca yallichu canga? ¡Shina cashpaca, tauna caspipish paita apacuc runata apanmanmi! ¡Shinallatac ñañu varapish, racu caspita apanmanmi!

1 SAMUEL 17:26

Shina cacpimi, Davidca paipac ladopi caccunataca: —Cai filisteo runata huañuchishpa, israelcunata llaquichishpa rimacta tucuchicpica, ¿imatatac cunga? Causac Diospac soldadocunata llaquichic mana circuncisionta ruhuashca filisteo runaca, ¿imatacyari?— nirca.

1 SAMUEL 14:6

Jonatanca paipac escudota apac runataca: —Circuncisionta mana ruhuashca soldadocunapac ladoman pasashun. Mandac Diosca ñucanchicta ayudangapishchari. Mandac Diospacca imapish mana sinchichu. Ñucanchic achca cacpipish ashalla cacpipish paica mishachingami— nirca.

1 SAMUEL 17:35

cati rishpami chugrichishpa shimimanta quichuc carcani. Shina quichucpi, ñucata caningapac shamucpica, jazhamanta japishpami huactashpa huañuchic carcani.

1 SAMUEL 17:37

Chashnallatacmi Davidca: —Mandac Diosca leonpac, osopac shimimantapish quishpichircami. Paillatacmi cai filisteo runapac maquimantapish quishpichinga— nirca. Shina nicpimi, Saulca Davidtaca: —¡Shina cashpaca rilla! Mandac Dios canhuan cachun— nirca.

1 SAMUEL 18:17

Chaimantami Saulca Davidtaca: —Riqui, ñuca punta ushi Merabtami cambac huarmi cachun cugrini. Can Mandac Diosmanta sinchita macanacushpa atichunmi cambac huarmi cachun cugrini— nirca. Shina nicpipish, Saulca Davidtaca: «Mana ñuca maquihuan huañuchishachu. ¡Ashtahuanpish filisteocuna huañuchichun!» yuyashpami, chashna nirca.

1 SAMUEL 31:4

Chaimantami Saulca paipac escudota apac runataca: «Cambac espadata llucchishpa, ñucata huañuchi. Circuncisionta mana ruhuashca chai runacuna shamushpa, ñucata huañuchishpa, asichunca mana munanichu» nirca. Shina nicpi, paipac escudota apac runaca yallita manchashpami, mana huañuchisha nirca. Chaimantami Saulca paipac espadallatatac japishpa, paillata huañurca.

EZEQUIEL 28:10

Circuncisionta mana ruhuaccuna shinami, shuctac llacta gentecunapac maquipi huañungui. Chaitaca Mandac Dios ñucami nini” ninmi ningui» nirca.

2 CRÓNICAS 32:17

Chaipac jahuapi Semaqueribca israelcunata Mandac Diosta yallita mana alli nishpami quillcacunata cacharca. Chai quillcacunapica: «Ima shinami shuctac llactapi causac gentecunapac dioscuna paicunapac gentecunata ñuca maquimanta mana cacharichi pudirca, shinallatacmi Ezequiaspac diospish, paipac gentecunata ñuca maquimanta mana cacharichi pudinga» nirca.

DANIEL 5:23

Ashtahuanpish jahua pacha Diosta llaquichishpami, paipaclla huasimanta vasocunata apachun cacharcangui. Chai vasocunapimi canpish, can churashca mandaccunapish, cambac huarmicunapish, cambac caishuc huarmicunapish vinota ubiarcanguichic. Shinallatac curimanta, cullquimanta, broncemanta, fierromanta, rumimanta ruhuashca mana uyac, mana ricuc, mana entendic dioscunatami alabarcangui. Ashtahuanpish cambac causaita paipac maquipi charicuc Diostaca mana alli nircanguichu. Tucui cambac causaitaca paimi ricucun.