1 SAMUEL 17:35 - Dios Rimashcata Quillcashcami

³⁵ cati rishpami chugrichishpa shimimanta quichuc carcani. Shina quichucpi, ñucata caningapac shamucpica, jazhamanta japishpami huactashpa huañuchic carcani.

1 SAMUEL 17:35 Referans Kwoze

AMÓS 3:12

Mandac Diosca: «Samariapi causac israelcunaca ñutunlla tiyarinacunapi, cama esquinapimi tiyarin. Paicunaca shuc michic leonpac shimimanta ishcai oveja chaquita mana cashpaca, ringrita quichushca shinami, ashalla saquiringa» ninmi.

DANIEL 6:22

Leoncuna ñucata ama llaquichichunmi ñuca Diosca leoncunapac shimita huichcachun, paipac angelta cacharca. Paipac ñaupapica ima juchayuc mana canichu. Jatun mandaclla, cambac ñaupapipish mana faltayucchu cani— nirca.

SALMOS 91:13

Leonpac, culebrapac jahuatami puringui. Maltón leontapish, huañuchic culebratapish sarunguimi.

2 SAMUEL 23:20

Chai quipaca Joiadapac churi Benaiasmi carca. Paica Cabseel pueblomanta jatun mancharinacunata ruhuac runapac churimi carca. Paimi Moab llactamanta Arielpac ishcai churicunata huañuchirca. Paillatacmi shuc rasu punzhapi jutcuman rishpa leoncunata huañuchirca.

1 SAMUEL 17:34

Shina nicpimi, Davidca Saultaca: —Canta servic ñucaca ñuca taitapac ovejacunata michicmi cani. Chaipi michicucpi, león cashpa, oso cashpa oveja manadamanta shuc ovejata apacpica,

1 SAMUEL 17:36

Canta servic ñucaca leonta cashpa, osota cashpa huañuchicllami carcani. Circuncisionta mana ruhuashca filisteo runaca causac Diospac soldadocunatami rimashpa llaquishca. Chaimanta paitapish chai animalta shinallatacmi huañuchisha— nirca.