1 SAMUEL 17:24 - Dios Rimashcata Quillcashcami

²⁴ Tucui israelcunami chai runata ricushpaca, yallita mancharishpa paipac ñaupamanta miticungapac callparca.

1 SAMUEL 17:24 Referans Kwoze

ISAÍAS 30:17

Shucllami cancunapuramanta huaranga runata manchachishpa callpachinga. Pichca runacunallami tucui cancunata manchachishpa callpachinga. Chashna callpachicpimi, urcupi shuclla caspi shayacuc shina, bandera shayacuc shina tucunguichic.

ISAÍAS 7:2

Chaita Davidpac huahua huahuapura Acazman huillangapac shamushpaca: «Siria llactapi causaccunaca Efrainpac llactahuan tandanacushpami canhuan macanacungapac shamushca» nirca. Chashna nicpimi, jatun mandac Acazpac shungupish, Jerusalenpi causaccunapac shungupish huairahuan sachacuna caiman chaiman cuyuric shina chucchurca.

1 SAMUEL 17:11

Chai filisteo runa chashna nicta Saulpish, tucui israelcunapish uyashpaca munai mancharishpami upayarcacuna.

DEUTERONOMIO 32:30

Jatun Rumi shina Diosllatac mana mishachishca cacpica, ¿ima shinatac shuclla runa huaranga genteta callpachinga? ¿Ima shinatac ishcailla runa chunga huaranga genteta catishpa cachanga?

NÚMEROS 13:33

Chashnallatac Anacpac manchana jatun churicunatapish ricurcanchicmi. Paicunaca yalli jatuncunami. Paicunahuan chimbapuracpica, ñucanchicca shuc curu shinallami carcanchic. Paicunapish ñucanchictaca chashnallatacmi ricurca— nirca.

LEVÍTICO 26:36

Cancunapuramanta saquiriccunaca piñaccunapac llactapimi causanga. Paicunapac shungupi ñuca manchaita churacpimi, shuc yurapi panga huairahuan cuyuricllapipish manchaihuan callpanga. Espadahuan huañuchingapac caticucpi shinami, manapish pi caticucpi, callpashpa urmanga.

1 SAMUEL 17:23

David paipac huauquicunahuan parlacucpiracmi Gad pueblomanta macanacunata alli yachac Goliatca filisteo soldadocunapac chaupimanta llucshishpa ñaupaman rimashpa llaquichic shinallatac llaquichirca. Chaitami Davidca uyarca.

1 SAMUEL 17:25

Paicunaca: —Ñucanchicta rimashpa manchachic runa llucshimuctaca ¿Manachu ricunguichic? Maijanpish paita atic runataca jatun mandacca yalli chayuctami ruhuanga. Paipac ushihuanpish cazarachingami. Shinallatac paipac huasi ucupurapish mana impuestota pagangachu— nirca.