1 SAMUEL 17:12 - Dios Rimashcata Quillcashcami

¹² Davidca Judá llacta Belén pueblopi causac efrateopuramanta Isaipac churimi carca. Isaica pusac churicunatami charirca. Saúl mandacui punzhacunapica ña yallita yuyacmi carca.

1 SAMUEL 17:12 Referans Kwoze

GÉNESIS 35:19

Chashnami Raquelca huañurca. Pai huañucpica, Efrata ñan ladopimi enterrarca. Cunanca chai Efrata llactataca Belén nincunami.

1 SAMUEL 16:18

Shina nicpimi, servicpuramanta shucca: —Ricui, ñucami Belén pueblopi causac alli tocanata yachac Isaipac shuc churita ricsini. Paica imatapish mana manchac sinchi, allita yuyarishpa rimac sumac huambrami. Shinallatac Mandac Diospish paihuanmi— nirca.

1 SAMUEL 17:58

Chaipimi Saulca: —¿Canca pipac churitac cangui?— nishpa tapurca. Shina tapucpi Davidca: —Ñucaca Belén pueblomanta canta servic Isaipac churimi cani— nirca.

RUT 4:22

Obedpac churica Isaimi carca. Isaipac churica Davidmi carca.

SAN MATEO 2:6

“Judea llacta Belenlla, canca tucui Judea pueblocunamanta alli nishca pueblomi cangui. Canmantami shuc mandac llucshinga. Paimi ñuca acllashca israelcunataca pushanga” nishcami— nirca.

SAN MATEO 1:6

Isaica jatun mandac David churitami charirca. Jatun mandac Davidca Salomón churitami charirca. Paipac mamaca Uriasmi carca.

1 SAMUEL 16:1

Mandac Dios Samueltaca: —¿Saulmantaca ima horascamantac huacacugringui? Paitaca ñucami israelcunata jatun mandac cachun mana munarcani. Gachupi aceiteta jundachi. Ñucami Belén pueblopi causacuc Isaipacman cachagrini. Paipac churicunamantami shuctac jatun mandac cachun acllarcani— nirca.

SAN MATEO 2:1

Judea llacta Belén pueblopimi Jesusca huacharirca. Chai punzhacunaca Herodesmi chai llactataca mandacurca. Chaipimi inti llucshina ladomanta, yachaccuna Jerusalén puebloman shamurca. Paicunaca lucerota ricushpa yachacuccunami carca.

MIQUEAS 5:2

Mandac Diosca: «Efrata nishca Belenlla, canca Judá llacta familiapurapica tucuimanta yalli uchilla pueblomi cangui. Canmantami Israel llactata Mandacca llucshinga. Paica ñaupa huata miranacuimantami shamun» ninmi.

SALMOS 132:6

Arcamantaca Efrata pueblopimi uyarcanchic. Achca yuracuna tiyac pambapimi tarircanchic.

1 SAMUEL 17:11

Chai filisteo runa chashna nicta Saulpish, tucui israelcunapish uyashpaca munai mancharishpami upayarcacuna.

RUT 1:2

Chai runaca Elimelecmi carca. Paipac huarmica Noemimi carca. Churicunaca Mahlón, Quelionmi carca. Paicunaca Judá llacta Belén pueblomanta efrateopurami carca. Moab llactaman chayashpaca chaipi causangapacmi saquirircacuna.

RUT 4:17

Chaita ricushpami chai vecina huarmicunaca: «¡Noemimanmi shuc huahua huacharishca!» nircacuna. Chashna nishpami Obed shutita shutichirca. Paimi Isaipac taita carca. Cutin Isaica Davidpac taitami carca.

1 SAMUEL 1:1

Efraín urcupi cac Ramataim pueblopimi, zufitapuramanta Elcana runa causarca. Elcanaca Jerohampac churimi carca. Jerohamca Eliupac churimi carca. Eliuca Tohupac churimi carca. Tohuca Zufpac churimi carca. Zufca efrateopurami carca.

2 SAMUEL 23:1

David rimashca tucuri shimicunaca caicunami: Davidca Isaipac churimi, Dios allipi churashca runami. Jacobopac Diosmi paitaca, paipaclla cachun, aceitehuan cahuirca. Israelpurapica, sumacta cantacmi.