1 SAMUEL 17:11 - Dios Rimashcata Quillcashcami

¹¹ Chai filisteo runa chashna nicta Saulpish, tucui israelcunapish uyashpaca munai mancharishpami upayarcacuna.

1 SAMUEL 17:11 Referans Kwoze

JOSUÉ 1:9

Riqui cantaca sinchi, cari cari cai nishpami mandani. Ama manchaichu, ama shaicuichu. Canta Mandac Dios ñucaca can maita ricpipish, canhuanmi casha» nirca.

DEUTERONOMIO 31:8

Mandac Diosmi ñaupashpa ringa. Paimi canhuanca canga. Mana saquingachu, mana canllata saquingachu. Ama manchaichu, ama chucchuichu» nirca.

ISAÍAS 57:11

¿Pita manchashcamanta ñucata crinata saquircangui? ¿Pi manchachicpitac ñucata crinata saquishpa, mana yuyarircangui? ¿Ñuca imata mana nishpa, upalla saquishcamantachu ñucataca jaicapi mana mancharcangui?

PROVERBIOS 28:1

Diosta mana manchac runaca pipish mana caticucpimi miticushpa callpan. Ashtahuanpish cashcata ruhuac runaca león shinami imatapish mana manchan.

SALMOS 27:1

Mandac Diosca ñucata achicyachic luzmi. Shinallatac ñucata quishpichicmi. Chaimantaca ¿pitatac manchashayari? Mandac Diosca ñuca causaipacca jarcarina jatun pirca shinami. Chaimantaca ¿pitatac manchashayari?

1 SAMUEL 7:7

Israelcuna Mizpa pueblopi tandanacushcata filisteocunata mandaccuna yachashpami israelcunahuan macanacungapac shamurca. Israelcuna chaita uyashpaca yallitami mancharca.

1 SAMUEL 17:10

Shinallatac: —¡Cunanmi ñucaca Israel soldadocunahuan ricunacusha nini! ¡Ñucahuan macanacuchun shuc runata cachaichic!— nirca.

1 SAMUEL 17:12

Davidca Judá llacta Belén pueblopi causac efrateopuramanta Isaipac churimi carca. Isaica pusac churicunatami charirca. Saúl mandacui punzhacunapica ña yallita yuyacmi carca.

1 SAMUEL 13:7

Shinallatac maijan israelcunaca Jordán yacuta pasashpami Gad, Galaad llactacunaman rirca. Ashtahuanpish Saulca Gilgal pueblollapitacmi carca. Paihuan cac tucui gentecunaca manchaihuanmi chucchucurca.

1 SAMUEL 21:13

Chaimantami Davidca paicunapac ñaupapi yuyai illac tucushpalla pungucunapipish maipish cachun quillcashpa, babastapish paipac barbas uraita shutuchicurca.

SALMOS 118:6

Mandac Diosca ñucahuanmi. Maijan ñucata llaquichinamantaca mana manchashachu.