1 SAMUEL 16:12 - Dios Rimashcata Quillcashcami

¹² Shina nicpimi, cayachun cachashca ña chayamucpica, ucuman yaicuchirca. Chai churica puca accha alaja ñahui sumac huambrami carca. Pai chayamucpimi, Mandac Diosca Samueltaca: —¡Paimi jatun mandac tucugrin. Jatarishpa paipac umata aceitehuan cahui!— nirca.

1 SAMUEL 16:12 Referans Kwoze

LAMENTACIONES 4:7

Alli nishca runacunaca rasutapish, lechetapish yalli yuranllami carca. Ñahuica coraltapish yalli pucanllami carca. Cuerpoca zafiro rumi shinami carca.

CANTARES 5:10

Ñuca cuyashcaca yuranllami. Ñahuipish pucallami. Chunga huaranga runacunapac chaupipi cashpapish ricsillami.

HECHOS 7:20

Chai punzhacunapimi Moisesca huacharirca. Paica Diospac alli nishcami carca. Quimsa quillatami paipac taita mamaca huasipi pacashpa charirca.

HECHOS 4:27

Chashna nishca shinami, cai pueblota mandac Herodesca Poncio Pilatohuanpish, israelcunahuanpish, mana israelcunahuanpish jucha illac Jesusta llaquichingapac tandanacurca. Diosmi Jesustaca Cristo cachun cacharca.

1 SAMUEL 17:42

Chai filisteo Davidta ricushpaca, uchilla huambrarac cashcamantami yangapi churarca. Chai huambraca puca accha alaja ñahui huambrami carca.

1 SAMUEL 9:17

Saulta Samuel ricucpimi Mandac Diosca: «Riqui, cai runatami ñucaca canman huillarcani. Paimi ñuca acllashcacunata mandanga» nirca.

GÉNESIS 39:6

Potifarca tucui charishcacunata Josepac maquipi churashpami, José ricucucpica, ima tiyashcacunataca mana yuyashpa, micunallata yuyarishpa causacurca. Joseca carilla, sumac ñahui mosomi carca.

HEBREOS 11:23

Crishcamantami Moisés huacharicpica, paipac taita mamaca alaja huahua cashcata ricushpa, quimsa quillata pacashpa charirca. Jatun mandac tucui cari huahuacunata huañuchichun mandacpipish, mana mancharcacunachu.

SALMOS 2:6

«¡Ñucaca jatun mandactaca ñami ñucapaclla chicanyachishpa Sión urcupi mandachun churani!» nirca.

SALMOS 2:2

Cai pacha jatun mandaccunapish, quipa mandaccunapish tandanacushpami Mandac Diostapish, aceitehuan cahuishca jatun mandactapish, mana cazushpa piñancuna.

ÉXODO 2:2

Chai huarmica huicsayuc tucushpami, shuc cari huahuata charirca. Chai huahua sumac cacpimi, quimsa quillata pacashpa charirca.

1 SAMUEL 17:55

Chai filisteohuan macanacungapac David ricta Saúl ricushpami paipac soldadocunata mandac Abnertaca: —¿Chai huambraca pipac churitac?— nishpa tapurca. Shina tapucpimi Abnerca:

2 SAMUEL 7:8

Shina cashcamanta ñucata servic Davidtaca: ‘Tucuita Mandac Diosca: Ñucami cantaca ovejacunata michishpa puricucpi, ñuca israelcunata mandac cachun acllarcani.

2 SAMUEL 23:1

David rimashca tucuri shimicunaca caicunami: Davidca Isaipac churimi, Dios allipi churashca runami. Jacobopac Diosmi paitaca, paipaclla cachun, aceitehuan cahuirca. Israelpurapica, sumacta cantacmi.

1 REYES 1:34

Chaipimi Sadoc curapish, Dios ima nishcata huillac Natanpish Salomontaca israelcunata jatun mandac cachun aceitehuan cahuinga. Chai quipaca trompetapi tocachishpaca: “¡Jatun mandac Salomón causachun!” nishpa caparinguichic.

SALMOS 78:70

Paita servic Davidtaca ovejacunata michishpa purictami acllarca.

ZACARÍAS 4:14

Shina nicpimi angelca: —Caicunaca tucui cai pachata Mandac Diospac ñaupapi, aceiteta cahuishca ishcai runacunatami nisha nin— nirca.

1 SAMUEL 16:18

Shina nicpimi, servicpuramanta shucca: —Ricui, ñucami Belén pueblopi causac alli tocanata yachac Isaipac shuc churita ricsini. Paica imatapish mana manchac sinchi, allita yuyarishpa rimac sumac huambrami. Shinallatac Mandac Diospish paihuanmi— nirca.