1 SAMUEL 15:6 - Dios Rimashcata Quillcashcami

⁶ Chai quipaca chaipi causac ceneocunata Saulca: —Cancuna paicunahuan pacta mana huañungapacca paicunapac chaupimanta llucshichic. Cancunaca israelcuna Egiptomanta shamucucpica llaquishpami, allita ruhuarcanguichic— nirca. Shina nicpimi, ceneocunaca amalecitacunapac pueblomanta utca llucshi rirca.

1 SAMUEL 15:6 Referans Kwoze

JUECES 1:16

Moisespac suegro Ceneopac huahuacunami palmacuna tiyac pueblomanta Judá ailluhuan, Judá shitashca pambaman rirca. Chai pambaca Arad pueblo ladollapi cac Neguev pambami carca. Paicunaca chai gentecunahuanmi causangapac saquirirca.

JUECES 4:11

Ceneocunapuramanta Heberca Moisespac suegro Hobabpac huahua huahuacunaca caishuc ceneocunapuramanta raquirinacushca Cedes pueblo ladopi cac Zaanaim pambapi tiyac encina yura cuchupimi carpa huasita shayachishpa tiyacurca.

ÉXODO 18:19

Ñuca cunashcata uyai. Diospish canta ayudangami. Canca israelcunamanta Dios-huan parlacmi cana cangui. Paicunapac ima llaquitaca Diosman huillai.

1 SAMUEL 27:10

Chaita ricushpami Aquisca: «¿Maijan pueblocunatatac cunanca llaquichimunguichic?» nishpa tapucpica, Davidca: «Judá llactapi cac Neguev pambapi causaccunata, mana cashpaca Neguev pambapi causac ceneocunata, mana cashpaca Jerameel pambapi causaccunatami llaquichimunchic» nic carca.

JUECES 5:24

Ceneopuramanta Heberpac huarmi Jaelpish tucui huarmicunamanta yalli alli nishca cachun. Carpa huasipi causac huarmipish, tucui huarmicunamanta yalli alli nishca cachun.

APOCALIPSIS 18:14

Shinallatac chai pueblotaca: «Can mai munashca micunacunataca ña mana charinguichu. Can tucui chai sumaimana charishcacunaca huiñaipacmi chingarishca» ningacuna.

2 TIMOTEO 1:16

Apunchic Jesusca Onesiforotapish, tucui paipac huasi ucupi causaccunatapish mai llaquichun ninimi. Paimi ñuca prezu cacpica, tauca cutin mana pingashpa ñucata ricuc shamushpa cushichic carca.

2 CORINTIOS 6:17

Chaimantami tucuita Mandac Diosca: «Paicunapuramanta llucshichic. Paicunamanta chicanyarichic. Imapish mapayachic-huanca ama chapurichicchu, chaipica ñucaca chasquishami.

HECHOS 2:40

Pedro cutin cutin cunashpaca: —Cunan millaita ruhuaccunataca, Diosca llaquichingami. ¡Chai llaquimanta quishpirichic!— nircami.

PROVERBIOS 9:6

Yuyai illac causaita saquishpaca causanguichicmi. Alli yuyaihuan purina ñanpi purichi» nircami.

1 CRÓNICAS 2:55

Jabes pueblopi causacuc quillcaccunapac familiacunaca: tirateocuna, simeateocuna, sucateocunami carca. Paicunami Recabpac taita Hamatpac huahua huahua ceneocunaca carca.

NÚMEROS 16:34

Paicuna chingarishpa caparinacushcata paicunapac muyundipi cac israelcuna uyashpaca: «Ñucanchictapish allpaca millpungami» nishpami callparca.

GÉNESIS 18:25

Can Diosca tucui cai pachapi allita ruhuacmi cangui. Chashna cashca jahuaca, ¿allita ruhuaccunataca Diosta mana cazuccunahuan pactachu chingachingui? Chaitaca jaicapi mana ruhuanguichu— nirca.

1 SAMUEL 15:5

Chai quipami Saulca amalecitacunapac puebloman rishpa, chai pueblo lado pugru pambapi pacalla chapaccunata churarca.

1 SAMUEL 30:29

Racal pueblocunapi, Jerameel llactapi cac pueblocunapi, ceneocuna causac pueblocunamanpish cacharcami.

GÉNESIS 15:19

Cai ceneocunapac, cenezeocunapac, cadmoneocunapac,