1 SAMUEL 15:20 - Dios Rimashcata Quillcashcami

²⁰ Shina nicpimi, Saulca Samueltaca: —Ashtahuanpish Mandac Dios mandashpa imata ruhuachun nishcata pactachircanimi. Chaimantami amalecitacunata jatun mandac Agagtaca prezushpa amalecitacunataca tucui tucuchircani.

1 SAMUEL 15:20 Referans Kwoze

1 SAMUEL 15:13

Samuel Saulpacman chayacpimi paica: —¡Cantaca Mandac Dios bendiciachun! Mandac Dios mandashcataca ñami pactachini— nirca.

ROMANOS 10:3

Paicunaca Dios chasquisha nicucpipish mana entendishpami, quiquin ruhuashcahuan Dios chasquishca canata munarcacuna.

SAN LUCAS 18:11

Chai fariseo shayarishpaca: “Dioslla, ñucaca mana shuccuna shina shuhuac, millai, huainayacchu cani. Mana cai impuestota japic runa shinachu cani. Chaimantami cantaca pagui nini.

SAN LUCAS 10:29

Chashna nicpipish, chai yachachicca mana upalla saquirircachu. Chaimantami: —¿Pi shuctatac cuyana cani?— nirca.

SAN MATEO 19:20

Chashna nicpimi, chai mosoca: —Chaicunataca tucuitami pactachishcani. Ashtahuanca, ¿imatatac ashtahuan ruhuana cani?— nirca.

JOB 40:8

¿Ñuca nishcataca yangatachu ruhuasha ningui? ¿Canca jucha illacmi cani nishpachu, ñucatarac juchanchisha ningui?

JOB 35:2

«Can: “ñucaca Diostapish yalli cashcata ruhuacmi cani” nishpaca, ¿allitami nicuni yuyanguichu?

JOB 34:5

Chaica Jobca: “Ñuca cashcata ruhuac cacpipish, Diosca ñuca japina cashcataca quichurcami.

JOB 33:9

“Ñucaca ima mapa illac chuyami cani. Ñucaca ima mana faltayucchu cani. Ima millaita ruhuanatapish mana yachanichu.

1 SAMUEL 15:8

Amalecitacunata jatun mandac Agagtaca causacta prezushpami, tucui gentecunataca espadahuan huañuchirca.

1 SAMUEL 15:3

Shina cashcamanta amalecitacunata tucui huañuchigri. Paicuna ima charishcacunataca mana llaquishpa tucui chingachingui. Caricunata, huarmicunata, huahuacunata, chuchucuc huahuacunata, vacacunata, ovejacunata, camellocunata, burrocunatapish mana llaquishpa tucui huañuchingui” ninmi— nirca.

1 SAMUEL 28:18

Canca Mandac Dios rimashcatapish mana cazurcanguichu. Shinallatac amalecitacunahuan Dios nina japiric shina piñarishpa, paicunata tucuchichun nicpipish mana pactachircanguichu. Chaimantami Mandac Diosca cunanca chashna ruhuashca.