1 SAMUEL 15:19 - Dios Rimashcata Quillcashcami

¹⁹ ¿Ima nishpatac Mandac Dios mandashcata mana cazushpa, chai piñaccunapac ima tiyashcacunata apamushpa, Mandac Diospac ñaupapica mana allita ruhuarcangui?— nirca.

1 SAMUEL 15:19 Referans Kwoze

1 SAMUEL 14:32

Chaimantami soldadocunaca chai quichushca ovejacunata, vacacunata, becicunata huañuchishpa aichataca yahuarndi micurcacuna.

JEREMÍAS 7:11

Cancunaca ñuca shutita mañana huasitaca, ¿shuhuaccuna miticuna jutcu cashcatachu yuyanguichic? Cancuna imata ruhuacuctaca ñucapish ricucunimi.

PROVERBIOS 15:27

Charinallata munac runaca paipac huasi ucupuramanmi llaquita apamun. Ashtahuanpish cullquita pacalla cucpi mana japic runaca causangami.

2 CRÓNICAS 36:12

Paita Mandac Diospac ñaupapica mana allitami ruhuarca. Mandac Dios ima nishcata huillac Jeremías Diosmanta huillacucpipish, paica mana llaquirircachu.

2 CRÓNICAS 33:6

Manasesca paipac churicunata dioscunaman cushpami, Hinom pambapi rupachirca. Lucerota ricushpa yachacpish, adivinopish, brujopish, brujocunaman, espiritucunaman tapucpish tucurcami. Mandac Diospac ñaupapica millanayai juchata ruhuashpami, yallita piñachirca.

2 CRÓNICAS 33:2

Ashtahuanpish Mandac Diospac ñaupapica mana allita ruhuashpami, israelcunapac ñaupamanta Mandac Dios llucchishpa cachashca gentecuna shinallatac juchata ruhuashpa causarca.

2 TIMOTEO 4:10

Demas runaca cai pachapi imalla tiyaccunapi shunguta churashpami, ñucata shitashpa Tesalónica puebloman rirca. Shinallatac Crescenteca Galacia llactaman, cutin Titoca Dalmacia llactamanmi rirca.

1 SAMUEL 15:20

Shina nicpimi, Saulca Samueltaca: —Ashtahuanpish Mandac Dios mandashpa imata ruhuachun nishcata pactachircanimi. Chaimantami amalecitacunata jatun mandac Agagtaca prezushpa amalecitacunataca tucui tucuchircani.

NÚMEROS 14:41

Shina nicpimi Moisesca: —¿Ima nishpatac Mandac Dios nishcataca mana cazunguichic? Mana chaiman chayai pudinguichicchu.

2 SAMUEL 12:9

¿Ima nishpatac ñuca nishcataca mana uyashpa, ñucapac ñaupapi mana allita ruhuarcangui? Heteopuramanta Uriaspac huarmita japingapacmi Uriastaca huañuchircangui. Canca Amón llacta gentecunapacman cachashpami huañuchichishcangui.