1 SAMUEL 15:13 - Dios Rimashcata Quillcashcami

¹³ Samuel Saulpacman chayacpimi paica: —¡Cantaca Mandac Dios bendiciachun! Mandac Dios mandashcataca ñami pactachini— nirca.

1 SAMUEL 15:13 Referans Kwoze

RUT 3:10

Shina nicpimi Boozca: —Ñuca huahualla, cantaca Mandac Dios bendiciachun. Cunan can ruhuashpaca puntapi ruhuashcata yallimi allita ruhuashcangui. Mosocunataca charictapish, mana charictapish mana mashcangapac rishcanguichu.

JUECES 17:2

Chai runami paipac mamataca: —Canca chai huaranga shuc patsac siclos cullquita shuhuachishpaca ñucapac ñaupapimi maldiciashpa rimarcangui. Chai cullquitaca ñucami shuhuashpa charicuni— nirca. Shina nicpimi, paipac mamaca: —¡Ñuca huahualla, Mandac Dios bendiciachun!— nirca.

SAN LUCAS 18:11

Chai fariseo shayarishpaca: “Dioslla, ñucaca mana shuccuna shina shuhuac, millai, huainayacchu cani. Mana cai impuestota japic runa shinachu cani. Chaimantami cantaca pagui nini.

SAN LUCAS 17:10

Chashnallatac cancunapish tucui mandashcacunata ruhuashpaca: “Ñucanchicca imata ruhuana cashcallatami ruhuashcanchic. Mana alli serviccunachu canchic” ninami canguichic» nirca.

PROVERBIOS 31:31

¡Paipac maquihuan imata ruhuashcamantaca paimanpish ima allicunata cuichicyari! ¡Pai imata ruhuashcataca pueblo pungucunapi alli nichicyari!

PROVERBIOS 30:13

Maijan huahua huahuacunaca jatun tucushpami shuccunataca piña ñahuihuan ricuncuna.

PROVERBIOS 28:13

Maijanpish paipac juchata pacacca, mana alli causai pudingachu. Ashtahuanpish juchacunata huillashpa, tucuita saquicpica Diosca llaquingami.

1 SAMUEL 15:11

—Saulta jatun mandac cachun churashcamantaca yallitami llaquirini. Paica ñucamanta anchurishpami ñuca mandashcataca mana pactachirca— nirca. Shina nicpimi, Samuelca yallita llaquirishpa Mandac Diostaca tucui tuta mañarca.

1 SAMUEL 15:9

Saulpish, paipac soldadocunapish Agagtaca mana huañuchircachu. Shinallatac alli ovejacunatapish, huagracunatapish, tucui huira animalcunatapish, cari ovejacunatapish, tucui allicunataca mana tucuchishpami imapish mana valic yangacunallata tucui tucuchirca.

GÉNESIS 14:19

llucchishpaca: «Jahua pachata, cai pachata ruhuac Dios canta bendiciachun.

GÉNESIS 3:12

Shina nicpimi Adanca: —Can ñucata compañachun cushca huarmillatac chai yuramanta caracpimi micurcani— nirca.

PROVERBIOS 27:2

Ama cambac shimihuan allimi cani nichu. Shuccuna canta alli nichun shuyangui.

1 SAMUEL 13:10

Diosman cushpa tucui rupachishca quipami Samuelca chayamurca. Shina chayamucpimi, Saulca saludangapac llucshirca.

1 SAMUEL 15:20

Shina nicpimi, Saulca Samueltaca: —Ashtahuanpish Mandac Dios mandashpa imata ruhuachun nishcata pactachircanimi. Chaimantami amalecitacunata jatun mandac Agagtaca prezushpa amalecitacunataca tucui tucuchircani.

1 SAMUEL 25:14

Ashtahuanpish serviccunapuramanta shucmi Nabalpac huarmi Abigailman huillashpaca: —Riqui, Davidca shitashca pambapi cashpami ñucanchic amota ¿allillachu cangui? nichun cacharca. Ashtahuanpish paica rimashpami llaquichirca.

2 SAMUEL 2:5

Shina huillacpimi, Davidca Galaad llacta Jabes pueblopi causaccunapacman huillaccunata cachashpaca: «Cancunata mandac Saulta llaquishpa enterrashcamantaca Mandac Dios bendiciachun.

1 SAMUEL 23:21

Shina nicpimi Saulca: —Cancuna ñucata llaquishpa, huillangapac shamushcamantaca Mandac Diosllatac bendiciachun.