1 SAMUEL 14:49 - Dios Rimashcata Quillcashcami

⁴⁹ Saulpac churicunaca Jonatán, Isúi, Malquisuami carca. Shinallatac paica ishcai ushicunatami charirca. Punta ushica Merab quipa ushica Micalmi carca.

1 SAMUEL 14:49 Referans Kwoze

1 CRÓNICAS 8:33

Nerca Cis churita, Cisca Saúl churita, Saulca Jonatán churita, Jonatanca Malquisúa churita, Malquisuaca Abinadab churita, Abinadadca Es-baal churitami charirca.

1 SAMUEL 31:2

Filisteocunaca Saulta catishpa rishpami paipac churi Jonatanta, Abinadabta, Malquisuata huañuchirca.

1 CRÓNICAS 9:39

Nerca Cis churitami charirca. Cisca Saúl churitami charirca. Saulca Jonatán, Malquisúa, Abinadab, Es-baal churicunatami charirca.

1 SAMUEL 25:44

Cutin Saulca Davidpac huarmi Micaltaca Galim pueblomanta Laispac churi Paltimanmi cushca carca.

1 SAMUEL 18:27

Davidca paipac soldadocunahuan rishpa, ishcai patsac filisteocunata huañuchishpa, paicuna charishca aicha carata pitishpa jatun mandacman cungapac apamurca. Davidca jatun mandacpac yerno tucungapacmi chashna ruhuarca. Chaimantami Saulca paipac ushi Micalhuan Davidtaca cazarachirca.

1 SAMUEL 19:12

Shina nishca quipami Micalca Davidtaca ventanamanta huatashpa uricuchirca. Shina uricuchicpimi, Davidca miticushpa rirca.

1 CRÓNICAS 10:2

Filisteocunaca huashallata catishpa rishpami, Saulpac churicuna Jonatanta, Abinadabta, Malquisuata huañuchirca. Paicunaca Saulpac churicunami carca.