1 SAMUEL 14:45 - Dios Rimashcata Quillcashcami

⁴⁵ Shina nicpi, israelcunaca Saultaca: —¿Jonatanca macanacushpa israelcunata quishpichishca jahuachu huañugrin? ¡Chaitaca Dios ama munachun! ¡Mandac Diospac shutipimi nini: Paipac umamantaca shuc acchallapish mana allpapi urmangachu! Paica Mandac Dios ayudacpimi macanacuita misharca— nirca. Shinami Jonatanta mana huañuchishpa quishpichirca.

1 SAMUEL 14:45 Referans Kwoze

HECHOS 27:34

Cancuna sinchi tucungapac micunami canguichic. Cancunamantaca shucllapish mana chingaringuichicchu. Shuc acchallapish mana chingaringachu— nirca.

SAN LUCAS 21:18

Chashna cacpipish cancunapac shuc uma acchallapish mana chingaringachu.

2 SAMUEL 14:11

Shina nicpimi, chai huarmica: —Jatun mandaclla, huañuchishpa yahuarta jichashcamanta huañuchiccuna ñuca huahuata ama llaquichishpa, huañuchichun Diosta mañanguiyari— nirca. Shina nicpimi, jatun mandacca: —¡Mandac Diospac shutipimi nini: Cambac huahuapac shuc acchallapish mana allpapi urmangachu!— nirca.

1 REYES 1:52

Shina huillacpimi Salomonca: —Pai allita ruhuac runa cacpica, paipac umamantaca shuc acchallapish mana urmangachu. Ashtahuanpish, pai ima mana allita ruhuashca ricuricpica, huañuchishcami canga— nirca.

2 CORINTIOS 6:1

Cunanca Dios mingashcata paillahuantac ruhuaccuna cashcamantami, ñucanchicca Dios mai cuyashpa, cancunaman allicunata cushcataca ama yanga cashcata yuyanguichic nishpa rimanchic.

SAN MATEO 10:30

Cancunapac umapi mashna acchapish yupashcami.

APOCALIPSIS 19:14

Jahua pacha soldadocunaca, chuyanlla yalli valishca yuranlla lino churanata churashcami yurac caballopi tiyarishpa paitaca catircacuna.

APOCALIPSIS 17:14

Chaicunaca Pactalla Ovejahuanmi macanacunga. Shina cacpipish, amocunapac Amo, jatun mandaccunapac Jatun Mandac cashcamantami Pactalla Ovejaca Dios cayashpa acllashca, paita allita caticcunahuan tucushpa, paicunata mishanga» nirca.

HECHOS 21:19

Pablo chaipi caccunata saludashca quipaca, mana israelcunaman Diosmanta huillacpi, Dios ima ruhuashcata callaimanta tucui parlarca.

HECHOS 15:12

Shina nicta uyashpami, tucui gentecuna upalla tucushpa, Bernabepish, Pablopish Dios-huan cashpa, mana israelcunapac ñaupapi milagrocunata, mancharinacunata ruhuashcata parlashcata uyarcacuna.

1 CORINTIOS 3:9

Ñucanchicca ishcaitacmi Diospacta ruhuaccuna canchic. Cancunaca Dios tarpuna allpa shina, Dios huasichina huasi shinami canguichic.

ROMANOS 15:18

Chaica, mana israelcuna Diosta cazuchun, Cristo ñucata imata ruhuashcallatami rimasha nini. Chaitaca mana rimarcanillachu, ashtahuanpish ruhuarcanimi.

HECHOS 14:27

Antioquía puebloman chayashpaca, chaipi causac tandanacushca criccunatami tandachirca. Chashna tandachishpami, Dios paicunahuan cacpi, ima allicunata ruhuashcatapish, mana israelcunacaman quishpirichun Dios saquishcatapish parlarca.

ISAÍAS 13:3

Ñucaca, ñuca acllashca soldadocunatami cachagrini. Piñarishpa llaquichingapacmi sinchi soldadocunata tandachircani. Paicunaca ñuca macanacuita mishacpimi cushicun.

NEHEMÍAS 9:27

Chaimantami paicunataca, piñaccunapac maquipi churarcangui, chaipica llaquichircacunami. Shina llaquita apacushpami, cantaca caparishpa mañarcacuna. Canca jahua pachamantami uyarcangui, yallita llaquic cashcamantami, piñaccunapac maquimanta quishpichingapac, cacharichiccunata cacharcangui.

2 CRÓNICAS 19:11

Riquichic, Mandac Diospacta tucui imata ruhuanataca Amarías curami mandanga. Jatun mandacman imata ruhuanataca Judapac huahua huahuapuramanta Ismaelpac churi Zebadiasmi ricunga. Levitacunapish cancunapac ñaupapimi Diosta servishpa ayudangacuna. Cancuna imata ruhuanataca sinchita ruhuaichic. Mandac Diosca allita ruhuaccunahuan cachun» nirca.

1 SAMUEL 19:5

Paica huañunatapish mana manchashpami, chai filisteo runata huañuchirca. Chashna ruhuacpimi Mandac Diosca tucui israelcunata llaquimanta llucchirca. Canca chaita ricushpami cushicurcangui. ¿Ima nishpatac manapish juchayuc Davidtaca huañuchishpa yahuarta jichashpa juchalligringui?— nirca.

1 SAMUEL 14:23

Chashnami Mandac Diosca chai punzhaca israelcunataca quishpichirca. Macanacuica Bet-avén pueblocamanmi chayarca.

1 SAMUEL 14:46

Saulca filisteocunata catishpa llaquichinataca saquircami. Filisteocunapish paicuna causana pushtumanmi cutircacuna.

1 SAMUEL 11:13

Shina nicpimi Saulca: —Cunanmi Mandac Diosca israelcunata macanacuipi ayudashpa mishachishca. Chaimanta cunan punzhaca maijanpish mana huañungachu— nirca.