1 SAMUEL 14:38 - Dios Rimashcata Quillcashcami

³⁸ Chaimantami Saulca: —Soldadocunata tucui mandaccuna caiman tandanacuichic. Maijan ima juchata ruhuashcata tapushpa yachaichic.

1 SAMUEL 14:38 Referans Kwoze

ZACARÍAS 10:4

Paicunamantami esquinapi churana rumipish, jatun ishtacapish llucshinga. Paicunallamantatacmi macanacuna arcopish, mandaccunapish llucshinga.

SALMOS 47:9

Llactacunata mandaccunaca Abrahampac Dios acllashcacunahuanmi tandanacushca.

2 SAMUEL 18:3

Shina nicpimi gentecunaca: —Mana rinachu cangui. Ñucanchic miticushpa callpacpica, mana catingacunachu. Ñucanchicpuramanta chaupi huañucpipish, paicunamanca mana ima curingachu. Ashtahuanpish canca ñucanchicmanca chunga huaranga runacuna shina valishcami cangui. Chaimanta canca cai pueblollamantac ñucanchicpac ima illashcata ima shinapish cachashpa ayudai— nirca.

JUECES 20:2

Dios acllashcacunapac tandanacuipica, tucui Israel aillucunata pushaccunami carca. Espadahuan allita macanacuc runacunaca chuscu patsac huarangami carca.

JOSUÉ 7:11

Israelcunaca juchallishcacunami. Pactachingapac ñucahuan ari nishcataca mana cazushcacunachu. Ñuca tucuchingapac chicanyachishcataca shuhuashcacunami, llullashcacunami. Chai shuhuashcata paicuna charishcacunapimi pacashca.

NÚMEROS 24:17

Ñucaca paita cunan mana ricushpapish, quipaman ricushami. Ricushpapish mana cuchumanta ricushachu. Jacobopac churicunamantaca shuc luceromi llucshinga. Paicunamantaca jatun mandac varayucmi llucshinga. Paimi Moabpi causaccunata ringripi huactashpa, cutin Setpac churicunataca umapi llapishpa tucuchinga.

EFESIOS 2:20

Jesucristomi huasita ruhuangapac callaripi churashca rumi shinaca can. Diosmanta huillaccunapish, Jesús acllashca huillaccunapish chai rumi jahuallapitacmi huasita ruhuangapac callaric shinaca. Cutin cancunaca chai huasi jahuapi huasichishca shinami canguichic.

SAN MATEO 21:42

Shina nicpimi Jesusca: —¿Manachu cancunaca Dios quillcachishcataca ricushcanguichic? Chaipica: “Huasita ruhuaccuna mana nishca rumillatacmi, huasita ruhuangapac callaripi churana, tucuimanta yalli alli rumi tucushca. Mandac Diosmi chashnaca ruhuashca. Chaita ricushpami, yallita cushicunchic” nicunmi.

JOSUÉ 7:12

Chaimantami israelcunaca paicunata piñaccunahuan macanacunata mana pudincuna. Ashtahuanpish paicunata piñaccunapac ñaupamantaca manchashpami callpangacuna. Paicunapish ñuca tucuchingapac chicanyachishtaca cancunapac chaupimanta mana anchuchishpa chingachicpica, ñucaca mana ashtahuan cancunahuan cashachu.