1 SAMUEL 14:35 - Dios Rimashcata Quillcashcami

³⁵ Cutin Saulca Mandac Diosmanmi shuc altarta ruhuarca. Chai altartami Mandac Diosmanca punta ruhuarca.

1 SAMUEL 14:35 Referans Kwoze

1 SAMUEL 7:17

Chai quipaca Ramá pueblopi cac paipac huasimanmi cutic carca. Paica chai pueblopipish tucui israelcunata mandashpami causarca. Chai pueblollapitacmi Mandac Diosman shuc altartapish ruhuarca.

2 TIMOTEO 3:5

Diosta cuyaccunami canchic nishpapish, paicuna ruhuashcahuan mana allitac ricuchiccunami cangacuna. Chashna gentecunahuanca ama tandaringuichu.

OSEAS 8:14

Israelcunaca paicunata Ruhuac ñucata cungarishpami, mandana huasicunatarac ruhuarca. Judá llactapi causaccunaca muyundita pircashca llactacunatami achcata ruhuarca. Shina cacpipish, chai llactacunapi ñuca ninata japichicpimi, mandana huasicunapish tucui tucuringa» nircami.

1 SAMUEL 7:12

Chai quipami Samuelca shuc jatun rumita japishpa, Mizpa pueblohuan Sen pueblohuan tupanacui chaupipi churashpaca: «¡Mandac Diosca caicamanmi ñucanchictaca ayudashca!» nishpa, Eben-ezerta shutichirca.

1 SAMUEL 7:9

Shina nicpimi, Samuelca chuchucuc huahua ovejata japishpa, Mandac Diosman cushpa, tucui rupachirca. Shina ruhuashpa Mandac Diosta tucui israelcunamanta mañacpica, Diosca uyarcami.

JUECES 21:4

Cayandi punzha israelcuna utca jatarishpami, shuc altarta ruhuashpa animalta Diosman cushpa tucui rupachircacuna. Shinallatac Dios-huan alli tucungapacpish animalcunata curcacunami.

SANTIAGO 4:8

Diosman cuchuyaichic, paipish cancunapacman cuchuyangallami. Juchayuccuna, maquita jahuac shina millaita ruhuanata saquichic. Ishcai yuyaihuan caccunaca, shunguta allichichic.

1 SAMUEL 14:34

Shinallatac: —Tucui cancuna caita chaita rishpa: “Huagrata, ovejata caiman apamushpa huañuchishpa micuichic. Aichata yahuarndi micushpa, Mandac Diosta mana cazushpa ama juchallichicchu” ninmi nigrichic— nirca. Shina nicpica, tucui gentecunami chai tutallatac paicunapac huagracunata apamushpa huañuchirca.

2 SAMUEL 24:25

Chaipimi Davidca Mandac Diosman altarta ruhuashpa, paiman animalta cushpa, tucuita rupachishpa, Dios-huan alli tucungapacpish animalta curca. Chaipimi Mandac Diosca David mañashcata uyashpa, millai ungüitaca tucui Israel llactapi parachirca.

JUECES 6:24

Chaimantami Gedeonca Mandac Diosman shuc altarta ruhuashpa: “Mandac Diosca cushicuimi” nishpa shutichirca. Chai altarca cunancamanmi abiezeritacunapac Ofra pambapi tiyan.