1 SAMUEL 14:27 - Dios Rimashcata Quillcashcami

²⁷ Ashtahuanpish Jonatanca paipac taita tucui gentecunata ama micunguichicchu nishpa ari nichishcataca mana uyashcachu carca. Chaimantami pai charicushca caspi puntata chai mishqui harneropi satishpa micushpa sinchiyarca.

1 SAMUEL 14:27 Referans Kwoze

1 SAMUEL 30:12

Shinallatac higo chaquishcamanta ruhuashca asha tandatapish, shinallatac chaquishca ishcai caspa uvastapish cararcami. Ña chaita micushca quipami paica sinchiyarca. Paica quimsa punzha, quimsa tutatami mana micushca, yacutapish mana ubiashca carca.

1 SAMUEL 14:43

Chaimantami Saulca Jonatantaca: —¿Imatatac ruhuarcangui? Chaita huillai— nirca. Shina nicpimi Jonatanca: —Ari, ñuca charicushca caspi puntahuanmi asha abeja mishquita mallircani. Chaimantaca huañunatacmi cani— nirca.

1 SAMUEL 14:29

Chashna nicpimi Jonatanca: —Ñuca taitaca cai llactapi causaccunataca pandachishcami. Riquichic, abeja mishquita ashata mallishpaca ashtahuan sinchiyanimi.

PROVERBIOS 25:26

Cashcata ruhuac runa Diosta mana manchac runapac ñaupapi urmashpaca, tucyac yacu turuyashca, jundu yacu mapayashca shinami.

1 SAMUEL 14:28

Chashna ruhuacpimi, paicunapuramanta shuc runaca: —Cambac taitami soldadocunataca: “Maijanpish micuctaca mana alli nishcami canga” nishpami ari nichirca. Chaimantami soldadocunaca yarcaihuan huañunalla canchic— nirca.

PROVERBIOS 24:13

Ñuca huahualla, bunga mishquica allimi. Chaimanta japishpa micuilla. Sinchiyashca bunga mishquipish cambac shimipica mishquimi canga.