1 SAMUEL 14:15 - Dios Rimashcata Quillcashcami

¹⁵ Chaimantami carpa huasicunapi caccunapish, pambapi caccunapish tucui gentecuna yallita mancharirca. Cuidac soldadocunapish, cungailla yaicushpa macac soldadocunapish munaimi mancharirca. Allpapish chucchurcami. Chaimantami yallita mancharishpa imatapish mana ruhuai pudircacuna.

1 SAMUEL 14:15 Referans Kwoze

1 SAMUEL 13:17

Chai huasicunamantami cungailla llaquichingapac quimsapi chicanyarishpa llucshircacuna. Shucca Sual llactapi cac Ofra puebloman rina ñantami rircacuna.

GÉNESIS 35:5

Paicuna llucshicpica, Dios chai llactapi causaccunaman, shinallatac chai muyundipi causaccunaman manchaita cucpimi, Jacobopac churicunata llaquichingapac mana catirca.

2 SAMUEL 5:24

Bálsamo panga jahuata puric shina uyaricpica, filisteocunahuan macanacungapac llucshingui. Chaipimi Mandac Dios Ñucaca filisteocunata huañuchingapac ñaupashpa risha— nirca.

ÉXODO 19:18

Mandac Dios nina chaupita urcuman urai shamushcamantami chai urcuca hornota cushni tapashca shina carca. Tucui chai urcumi yallita chucchucurca.

SAN MATEO 24:6

Cancunaca quiquin llactapipish, caru llactapipish jatun macanacuitami uyanguichicmi. Chaita uyashpapish, ama mancharinguichicchu. Chashna llaquicunaca tiyangallatacmi. Ashtahuanpish cai pachaca manarac tucuringachu.

DANIEL 5:6

Chaita ricushpami, jatun mandacca yallita mancharishpa ñahuipish irquiyashpa musparishca saquirirca. Paipac siqui tullucunapish chururic shina tucushpami, mucucunapish paicunapura huactarinacucurca.

SALMOS 14:5

Paicunaca cashcata ruhuaccunata Mandac Dios cuidacta ricushpami, manchaihuan chucchuncuna.

JOB 18:11

Tucui ladomantami llaquicuna shamushpa manchachinga. Chaqui talonpi saruc shinami yallita manchachishpa catinga.

1 SAMUEL 13:23

Shina cacpica, ñami shuc chicanyarishca filisteo soldadocunaca Micmas puebloman pasana ñanpi chapangapac chayamurca.

JUECES 7:21

Israelcunaca carpa huasicuna muyundipimi maimanpish mana rishpa shayacurcacuna. Chaita ricushpami, madianitacunaca manchaihuan caparishpa callparcacuna.

JOSUÉ 2:9

—Mandac Dios cai llactata cancunaman cushcataca yachanimi. Chaimantami paica cancunata manchachun, manchaita shungupi churashca. Tucui llactapi causaccunami cancunataca yallita manchaihuan chucchushpa, imatapish mana ruhuai pudincuna.

1 SAMUEL 7:10

Mandac Diosman cushca ovejata Samuel tucui rupachicucpimi, filisteocunaca israelcunahuan macanacungapac chayarca. Ashtahuanpish Mandac Diosca sinchita tulun nichishpami filisteocunataca manchachishpa muspachirca. Chashna ruhuacpimi, israelcunaca filisteocunata atirca.

1 SAMUEL 13:18

Caishucca Bet-horón puebloman rina ñantami rircacuna. Cutin caishuccunaca Zeboim pambapi cac urcucunamanmi rircacuna. Zeboim pambaca shitashca pambamanmi can.

1 SAMUEL 14:14

Chashnami cai punta macanacuipica Jonatanhuan paipac escudota apac runahuanca ishcai chunga shina filisteocunata uchilla pambapi huañuchirca.

1 SAMUEL 14:16

Saulpac chapac soldadocunaca Benjamín llactapi cac Gabaa pueblomantami filisteocuna caita chaita callpacucta ricurca.