1 SAMUEL 14:1 - Dios Rimashcata Quillcashcami

¹ Shuc punzhami Saulpac churi Jonatanca escudota apac runataca: —Chimbapi cuidacuc filisteocunahuan macanacungapac pasashun— nirca. Shina rishpapish paipac taita Saulman mana huillashpami rirca.

1 SAMUEL 14:1 Referans Kwoze

MIQUEAS 7:5

Ricsishca runa ima nishcata ama cringuichu. Ama chai runapi shunguta churanguichu. Canhuan sueñuc huarmimantapish cuidaringui.

1 SAMUEL 25:19

Chai quipami chai serviccunataca: —Cunanca ñaupashpa richiclla. Ñucaca quipata catimushallami— nirca. Caitaca paipac cusa Nabalmanca mana huillarcachu.

1 SAMUEL 13:22

Chai macanacuna punzhaca Saulpac, Jonatanpac soldadocunaca espadatapish, lanzatapish shucllatapish mana charircachu. Ashtahuanpish Saúl, paipac churi Jonatanllami espadataca charirca.

1 SAMUEL 13:2

israelpuramantaca quimsa huaranga macanacuc runacunata acllarca. Chaicunamantaca ishcai huarangaca Saulhuanmi Micmas pueblopipish, Bet-el urcupipish carcacuna. Cutin shuc huarangaca Benjamín llacta Gabaa pueblopimi Jonatanhuan carcacuna. Shina acllashca quipami caishuc runacunataca paicunapac carpa huasicunaman cacharca.

JUECES 14:6

Mandac Diospac Espíritu Sansonpacman shamucpimi, shuc malta chivota huañuchic shina maquillahuan pitinacurca. Shina ruhuashcataca paipac taita mamamanca mana parlarcachu.

JUECES 6:27

Chaimantami Gedeonca paita serviccunamanta chunga runacunata pushashpa Mandac Dios mandashca shinallatac ruhuarca. Ashtahuanpish paipac taitatapish, chai pueblopi causaccunatapish manchashcamantami tuta chashna ruhuarca.

1 SAMUEL 13:23

Shina cacpica, ñami shuc chicanyarishca filisteo soldadocunaca Micmas puebloman pasana ñanpi chapangapac chayamurca.

1 SAMUEL 14:2

Saulca Gabaa urcu chaquipi shayacuc granadilla yura ladopimi sucta patsac shina gentecunahuan carca. Chai yuraca Migrón pueblo ladopimi shayacurca.

JUECES 14:9

Chai mishquita maquihuan japishpami Sansonca micushpa ñanta rirca. Ña taita mamahuan tupashpaca paicunamanpish cararcami. Shina carashpapish león huañushcamanta mishquita llucchishcataca mana parlarcachu.