1 SAMUEL 12:23 - Dios Rimashcata Quillcashcami

²³ Ñucamanta nishpaca, cancunamanta Mandac Diosta mañanata saquishpa juchallichunca Dios ama munachun. Ashtahuanpish cancunataca allita purichun, sumacta causachun yachachishallami.

1 SAMUEL 12:23 Referans Kwoze

COLOSENSES 1:9

Chaimantami ñucanchicca yachac chayashca punzhamanta pacha, Dios munashcata cancuna allita ricsichun, paipac Espíritu cancunaman yuyaita cushpa allita yachachichun cancunamanta mañacunchiclla.

ROMANOS 1:9

Ñuca cancunamanta punzhanta mañacushcataca Diosllatac yachanmi. Ñucaca paipac Churimanta huillashpami, tucui shunguhuan Diosta servini.

2 TIMOTEO 1:3

Tutapish, punzhapish canta yuyarishpa paiman mañacushpaca, ñaupa taitacuna ruhuashca shinallatacmi, ñucapish chuya yuyaihuan Diospacta ruhuashpa pagui nicunilla.

1 TESALONICENSES 3:10

Ñucanchicca cancunapac ñahuita ricushpa, crina yuyaita cushpa, ashtahuan sinchiyachinatami munanchic. Chaimantami tutapish punzhapish Diosta mañacunchiclla.

1 REYES 8:36

Shina ruhuacpica, jahua pachapi uyashpami, canta serviccunapac juchatapish, can acllashca israelcunapac juchatapish perdonangui. Canta cazushpa purichunpish, alli ñanta ricuchishpa yachachingui. Can acllashca gentecunaman cushca llactapipish tamyachingui.

HECHOS 12:5

Chaimantami Pedrotaca carcelpi alli cuidaracurca. Ashtahuanpish tandanacushca criccunaca Pedromanta Diosta mañanataca manatac saquircachu.

SALMOS 34:11

Huahuacunalla, shamushpa uyaichicyari. Mandac Diosta manchanatami yachachigrini.

JEREMÍAS 6:16

Mandac Diosca: «Ñancunapi shayarishpa ricuichicyari. Ñaupa ñancunata tapushpa, maijan ñan alli cashcata acllashpa purichicyari. Chashna ruhuacpica, cancunapac alma samaringami» nirca. Shina nicpipish cancunaca: «Chai ñantaca mana purishunchu» nircanguichicmi.

2 CRÓNICAS 6:27

Shina ruhuacpica, jahua pachapi uyashpami, canta serviccunapac juchatapish, can acllashca israelcunapac juchatapish perdonangui. Canta cazushpa purichunpish, alli ñanta ricuchishpa yachachingui. Can acllashcacunaman can cushca llactapipish tamyachingui.

COLOSENSES 1:28

Ñucanchicca Jesucristota crishcamanta tucui mashna Diospac ñaupapi mana pi juchanchishca cachunmi, Jesucristomanta huillashpaca, cunashpa, tucui yuyaihuan allita yachachinchic.

HECHOS 20:20

Ñucaca cancunapac allipacmi huillacurcanilla, yachachicurcanilla. Chashnami tucuipac ñaupapipish, huasicunapipish huillacurcani.

ECLESIASTÉS 12:10

Huillac runaca sumac rimaicunata tarishpa, mana llullac rimaicunata allita quillcanatami munarca.

PROVERBIOS 4:11

Cantaca allita yachaccunapac, allita ruhuaccunapac ñantami pushashcani.

1 CORINTIOS 9:16

Alli huillaita huillashpaca, mana jatun tucunachu cani, ashtahuanpish chaitaca huillanallatacmi cani. Mana huillashpaca, ¡aij, imachari tucusha!

ÉXODO 32:30

Cayandimi Moisesca israelcunataca: —Cancunaca jatun juchatamari ruhuashcanguichic. Ñucaca Mandac Dios maipi cashcamanmi huichai rigrini. Cancunapac juchata perdonangapishchari— nirca.

1 SAMUEL 12:19

Chaimantami tucui gentecuna Samueltaca: —¡Canta servic ñucanchic ama huañuchun canta Mandac Diosta mañaiyari! Ñucanchicca tucui juchacunata ruhuashca jahuami jatun mandacta munanchic nishpa ashtahuan mana allita ruhuashcanchic— nirca.

JEREMÍAS 15:1

Chaimantami Mandac Diosca: «Moises-huan, Samuelhuan ñuca ñaupapi shayaricpipish, cai llactataca mana llaquishachu. Ñucapac ñaupamanta anchuchishpa, llucchishpa cachai.

JEREMÍAS 27:18

Paicuna ñuca ima nishcata huillaccuna cashpaca, ñuca rimachicpica, ñucapac huasipi, Judá llactata jatun mandacpac huasipi, Jerusalenpi saquirishca ima charishcacunata Babilonia llactaman ama apachun, tucuita Mandac Dios ñucata mañachun.

JEREMÍAS 42:4

Shina nicpimi, Dios ima nishcata huillac Jeremiasca: —Allimi. Cancuna mañashca shina, Mandac Diosta mañagrinimi. Mandac Dios tucui imata nishcataca mana pacashpami cancunaman huillasha— nirca.

1 SAMUEL 8:6

Paicuna: «Ñucanchicpac juez cachun shuc jatun mandacta churaiyari» nishpa mañacpimi, Samuelca yallita llaquirirca. Chaimantami Samuelca Mandac Diosta mañarca.

SALMOS 34:12

¿Maijantac unaita causasha ninguichic? ¿Maijantac unai huatacunata allita ricushpa causasha ninguichic?

SALMOS 122:6

Jerusalenpi cushi causai tiyachun mañashpaca: «Canta cuyaccunaca cushilla causachun.

ISAÍAS 30:21

Chaimantami huashamanta cancunapac ringripica: «¡Caitami ñanca, caita purichic! Caimantaca alli ladomanpish, lluqui ladomanpish ama ladoyanguichicchu» nishcami uyaringa.