1 SAMUEL 12:21 - Dios Rimashcata Quillcashcami

²¹ Yanga dioscunata ama catichicchu. Paicunaca yanga cashcamanta imapac mana servinchu. Mana quishpichinchu.

1 SAMUEL 12:21 Referans Kwoze

HABACUC 2:18

Artesano ruhuashca diosca, ¿imapactac valin? Yacuyachishpa ruhuashca diosca, ¿imapactac valin? Chai diosca llullamanmi apan. Imamanpish riccha, mana rimaric dioscunata ruhuacca, ¿ima shinatac chai dioscunapi shunguta churanga?

JEREMÍAS 16:19

Mandac Dioslla, canca ñucapac sinchi torre shinami cangui. Ñucaman fuerzata cushpa, llaqui punzhacunapi ñucata cuidacmi cangui. Tucui cai pachamanta cambacman shamushpaca: «Ñucanchic taitacunaca imapacpish mana valic, llulla yanga dioscunatami charishca.

JEREMÍAS 10:15

Chaicunaca imapacpish mana vali burlanami. Dios llaquichicui punzhapica tucuringami.

JEREMÍAS 14:22

¿Maijan llacta dioscunamanta maijan tamyachic tiyanchu? Jahua pachapish, ¿pailla tamyata cachai pudinchu? Canca, ¿manachu ñucanchicta Mandac Dios cangui? Can caipi tucui ima tiyaccunata ruhuac cashcamantami canllapi shunguta churanchic» nirca.

DEUTERONOMIO 11:16

Shungupi pandarishpa, Diosta catinata saquishpa, shuctac dioscunapac ñaupapi ama cunguringuichicchu.

1 CORINTIOS 8:4

Ruhuashcalla dioscunaman animalcunata huañuchishpa, cushca aichata micunamanta nishpaca, ruhuashcalla dioscunaca cai pachapica ima mana canchu, ashtahuanpish shuclla Dios tiyashcatami yachanchic.

JONÁS 2:8

Ruhuashcalla dioscunata caticcunaca can llaquic cashcata cungarincunami.

JEREMÍAS 2:13

Ñuca acllashcacunaca cai ishcai mana allitami ruhuarca. Puntaca tucyacuc yacu shina, causaita cuc ñucatami saquirca. Chai quipaca yacu mana jundaric chictarishca jutcucunatami yacu tandarichun ruhuarca.

ISAÍAS 46:7

Chai diostaca huandushpami shuc pushtupi churan. Chaimantaca mana cuyurinchu. Maijan ima llaquimanta quishpichichun mañacpipish, mana quishpichinchu.

ISAÍAS 45:20

¡Llactapi causacpuramanta saquirishcacunaca tandanacushpa shamuichic! Caspimanta ruhuashca yanga diosta huanduccuna, manapish quishpichic diosta yallita mañaccunaca imatapish mana yachanchu.

JEREMÍAS 10:8

Tucui paicunami imatapish mana yachac, mana entendiccuna. Paicunapac caspi diosca imapac mana vali yanga cashcatami ricuchin.

JEREMÍAS 2:5

Mandac Diosca: «Cancunapac ñaupa taitacuna ñucata saquingapacca, ¿ima mana allitatac tarircayari? Paicunaca imatapish mana ruhuac ruhuashcalla dioscunata catishpami, mana alli nishca tucurca.

ISAÍAS 41:29

Riquichic, tucui paicunaca yangallami. Paicuna maipi imata ruhuashcapish mana ricurinchu. Imatapish yacuyachishpa ruhuashca dioscunaca huaira shina yangallami.

DEUTERONOMIO 32:21

Paicuna manapish dioscunata, yanga dioscunata adorashpami yallita piñachirca. Ñucapish shuctac gentecunahuanmi piñachisha. Mana cazuc gentecunahuanmi paicunataca yallita piñachisha.

HECHOS 14:15

yaicushpaca: —¿Imapactac chashna ruhuashun ninguichic? Ñucanchicca cancuna shina runallami canchic. Ñucanchicca cai yangalla ruhuanata saquishpa, causac Diosman cutirichunmi, alli huillaita huillangapac shamurcanchic. Paica jahua pachatapish, cai pachatapish, mama cuchatapish, tucui ima tiyactapish ruhuacmi.

DEUTERONOMIO 30:17

Shina cacpipish, cancunapac shungupi Diosmanta caruyashpa, mandashcacunatapish mana cazushpa, shuctac dioscunata cungurishpa adorashpaca,

2 REYES 17:15

Chaimantami pactachichun cushca shimicunatapish, paicunapac ñaupa taitacunahuan ari nishcatapish, ima shina causanata yachachishcatapish, cazuchun pai mandashcatapish mana cazushpa, imapish yanga dioscunata catishpa, yanga tucurcacuna. Paicunapac llacta cuchupi causaccuna ruhuashcatami catircacuna. Mandac Diosca chai gentecunataca ama catinguichicchu nishpami mandarca.

JONÁS 2:9

Ñuca shimihuanmi canta alabani. Rupachina animaltapish, canman cusha nishca ofrendatapish cushami. ¡Can Mandac Diosllami quishpichicca cangui!» nirca.