1 SAMUEL 12:20 - Dios Rimashcata Quillcashcami

²⁰ Shina nicpimi Samuelca: —Ama manchaichicchu. Ari cunanca cai tucui juchatami ruhuarcanguichic. Shina cacpipish, chai tucuita ruhuashcamantaca cunanca, Mandac Diosta catinataca mana saquishpami, tucui shunguhuan servina canguichic.

1 SAMUEL 12:20 Referans Kwoze

DEUTERONOMIO 11:16

Shungupi pandarishpa, Diosta catinata saquishpa, shuctac dioscunapac ñaupapi ama cunguringuichicchu.

1 PEDRO 3:16

Cancuna Apunchic Jesusta crishpa, allita causacushcamanta maijanpish mana allichu nishpa, rimashcamanta pingachunca, mana pi juchanchishca canata yuyashpa, allita ruhuashpa catichic.

JEREMÍAS 3:1

Mandac Diosca: “Maijanpish paipac huarmita shitacpi, chai huarmi paipacmanta rishpa, shuc carihuan tandaricpica, ¿punta cusaca chai huarmihuan cutin tandari pudingachu? Cutin tandarishpaca, tucui llactatami mapayachin. Canca achca caricunahuanmi chayarinacushpa causarcangui. Chashna cacpipish, ñucapacman cutimui” ninimi.

SALMOS 125:5

Ashtahuanpish Diosmanta anchurishpa, millaita ruhuaccunataca millaita ruhuaccunallahuantacmi cachanga. ¡Israelcunamanca cushi causai tiyachun!

SALMOS 101:3

Mana alli ruhuanataca ricunallatapish mana ricushachu. Diosmanta anchurishpa millaita ruhuanataca manatac ricunayachishachu. Paicunapuramantaca pipish ñucapacmanca mana cuchuyangachu.

SALMOS 40:4

Jatun tucushcacunatapish, ruhuashcalla dioscunahuan llullashpa, pandachiccunatapish mana catishpa, Mandac Diospi shunguta churacca cushicunmi.

JOSUÉ 23:6

Moisés mandashpa quillcashca libropi tucui nishcata cazushpa ruhuangapacca alli sinchi caichic. Chai mandashcacunamantaca alli ladomanpish, lluqui ladomanpish ama ladoyanguichicchu.

DEUTERONOMIO 31:29

Ñuca huañushca quipaca huacllirishpami, ñuca mandashcacunamantapish caruyanguichic. Mandac Diospac ñaupapi cancunapac maquihuan mana allita ruhuashpa, Diosta piñachishcamantami quipa punzhacunapica llaqui japinga» nirca.

ÉXODO 23:25

Canta Mandac Diosta servingui. Ñucami tandatapish, yacutapish bendiciasha. Shinallatac ñucami tucui ungüicunata canmanta anchuchisha.

ÉXODO 32:30

Cayandimi Moisesca israelcunataca: —Cancunaca jatun juchatamari ruhuashcanguichic. Ñucaca Mandac Dios maipi cashcamanmi huichai rigrini. Cancunapac juchata perdonangapishchari— nirca.

1 SAMUEL 12:19

Chaimantami tucui gentecuna Samueltaca: —¡Canta servic ñucanchic ama huañuchun canta Mandac Diosta mañaiyari! Ñucanchicca tucui juchacunata ruhuashca jahuami jatun mandacta munanchic nishpa ashtahuan mana allita ruhuashcanchic— nirca.

DEUTERONOMIO 10:12

Israelcunalla, ¿imatatac Mandac Diosca ruhuachun nin? Mandac Diosca paita manchashpa, pai munashca shina causachun, tucui shunguhuan, tucui almahuan, paillata cuyachun,

1 CRÓNICAS 28:9

Salomón ñuca huahualla, cambac taitapac Diostaca ricsiyari. Paitaca alli shunguhuan, tucui munaihuan servishpa causaiyari. Mandac Diosca tucuipac shungutami ricucun. Imata ruhuanata yuyaricushcatapish tucuitami yachan. Can paita mashcashpaca taringuimi, ashtahuanpish paita can cungaricpica, paipish cantaca huiñaita cungaringa.

HAGEO 2:5

Egipto llactamanta cancunata llucshicushpa, cancunahuan ari nishca shinallatacmi ñuca espirituca cancunapac chaupipi canga. Chaimanta ama manchanguichicchu.