1 SAMUEL 12:10 - Dios Rimashcata Quillcashcami

¹⁰ Chaimantami paicunaca Mandac Diostaca: “Mandac Diosta saquishpa Baal, Astarte yangalla dioscunata servishpami juchallishcanchic. Cunanca ñucanchicta piñaccunapac maquimanta quishpichiyari. Canllatacmi servishpa causashun ninchic” nishpa caparishpa mañarca.

1 SAMUEL 12:10 Referans Kwoze

JUECES 10:10

Chaimantami israelcunaca Mandac Diosta caparishpa mañashpaca: —Canta servinata saquishpa shuctac Baal dioscunata servishpami canta piñachishpa juchallishcanchic— nirca.

JUECES 2:13

Mandac Diosta saquishpami Baal diosta, Astarot diosta servircacuna.

JUECES 3:9

Israelcuna chashna llaquita apashpa Mandac Diosta caparishpa mañacpimi, Mandac Diosca chai llaquimanta llucchirca. Chai llaquimanta llucchicca Cenazpac churi Calebpac quipa huauqui Otonielmi carca.

JUECES 3:7

Israelcunaca Mandac Diospac ñaupapi mana allita ruhuashpami paicunata Mandac Diosta cungarishpa Baal dioscunata, Aserami diosman ricchacunata servircacuna.

ISAÍAS 33:22

Mandac Diosmi ñucanchic juez. Mandac Diosllatacmi mandashcacunata cucca. Mandac Diosllatacmi ñucanchic Jatun Mandacca. Paillatacmi ñucanchicta quishpichin.

ISAÍAS 26:16

Mandac Dioslla, yallita llaquihuan cashpami, cantaca mashcarca. Can llaquichicpica, yallitami mañarca.

SALMOS 106:44

Shina cacpipish, Diosca paicuna yallita llaquipi causacushcata ricurcami. Paicuna caparishpa mañashcatapish uyarcami.

1 SAMUEL 7:2

Diospac Arca Quiriat-jearim puebloman chayamushcaca ñami unai huatacuna carca. Ishcai chunga huatami tucurca. Chaipimi tucui israelcunaca huacashpa Mandac Diosta mashcarca.

JUECES 6:7

Chashna madianitacuna yallita llaquichicpimi, israelcunaca Mandac Diosta caparishpa mañarca.

JUECES 4:3

Jatun mandac Jabinca iscun patsac fierro carretatami charirca. Shinallatac ishcai chunga huatatami yallita llaquichirca. Chaimantami israelcunaca Mandac Diosta caparishpa mañarcacuna.

JUECES 3:15

Chashna llaquita causacushpami israelcunaca Mandac Diosta caparishpa mañarca. Shina mañacpimi, Mandac Diosca chai llaquimanta llucchichun Benjamín aillumanta Gerapac churi imatapish lluquihuan ruhuac Aodta churarca. Paitami israelcunaca Moab llactata jatun mandac Eglonman shuc convidanata cugrichun cacharca.

JOSUÉ 13:31

Basán llactata mandac Og mandacushca chaupi Galaad llactatami Astarot, Edrei pueblocunandi Manasespac churi Maquirpac chaupi ailluman, paicuna mashna cashcata ricushpa curca.

JUECES 2:11

Chai quipaca Mandac Diospac ñaupapi mana allita ruhuashpami israelcunaca Baal dioscunata servishpa causai callarirca.

1 SAMUEL 7:6

Israelcunaca Mizpa pueblopi tandanacushpami yacuta llucchishpa, Mandac Diospac ñaupapi tallirca. Chai punzhami ayunashpa: «Juchata ruhuashpami Mandac Diostaca llaquichishcanchic» nirca. Samuelca israelcuna piñanacushcamantaca Mizpa pueblopimi allichirca.