1 SAMUEL 11:7 - Dios Rimashcata Quillcashcami

⁷ Shina piñarishpami ishcai huagracunata japishpa, pitinacushpa tucui Israel llactapi causaccunaman ricuchichun huillaccunata cacharca. Paicunataca: «Maijanpish Saulhuan Samuelhuan tandanacungapac mana llucshic runacunapac huagracunatapish, chashnallatacmi ruhuanga» nichun cacharca. Shina cachacpimi, Mandac Dios cachashca manchaica chai gentecunapac jahuapi urmarca. Chaimantami paicunaca shuc shinalla tandanacushpa llucshirca.

1 SAMUEL 11:7 Referans Kwoze

JUECES 19:29

Ña chai runa huasiman chayashpaca cuchillota japishpami, caishuc huarmitaca chunga ishcai pedazota ruhuarca. Chashna ruhuashpami tucui Israel llactaman cacharca.

JUECES 20:1

Tucui israelcunami Dan pueblomanta Beerseba pueblocaman llucshishpa Mizpa pueblopi Mandac Diospac ñaupapi shuc shinalla tandanacurca. Chaipica Galaad llactapi causac gentecunacamanmi carca.

2 CRÓNICAS 17:10

Judá llacta muyundipi tiyac llactacunata tucui mandaccunami yallita Mandac Diosta mancharcacuna. Chaimantami Josafathuan macanacunataca mana munarca.

2 CRÓNICAS 14:14

Chashnallatac Gerar pueblo muyundipi tiyac tucui pueblocunapipish macanacungapacmi yaicurcacuna. Chai pueblopi causaccunaca Mandac Dios manchaita cachacpimi, yallita chucchucurca. Chai pueblocunapica imapish achcami tiyarca. Chaimantami chai pueblocunapi tiyashcacunataca tucui aparcacuna.

GÉNESIS 35:5

Paicuna llucshicpica, Dios chai llactapi causaccunaman, shinallatac chai muyundipi causaccunaman manchaita cucpimi, Jacobopac churicunata llaquichingapac mana catirca.

2 CRÓNICAS 19:7

Mandac Diosta manchashpa causanguichic. Imata ruhuangapacpish alli yuyarichic. Ñucanchicta Mandac Diosmanca ima mana allipish, shucllaman tucunapish, ima cushcacunata pacalla japinapish mana tiyanchu» nirca.

ISAÍAS 8:13

Tucuita Mandac Dios ñucallata jatunyachichic. Ñucallata manchashpa chucchuichic.