1 SAMUEL 10:3 - Dios Rimashcata Quillcashcami

³ Chaimanta ashtahuan rishpaca, Tabor pambapi shayacuc encina yura ladopimi Bet-el pueblopi Diosta mañangapac huichai ricuc quimsa runacuna tupanga. Paicunaca shucca quimsa chivota, shucca quimsa mishqui tandata, shucca shuc shila vinota apashpami ricungacuna.

1 SAMUEL 10:3 Referans Kwoze

GÉNESIS 35:3

Bet-elman huichai rishunchic. Chaipimi ñuca llaquilla cashpa, mañashcata uyac, shinallatac ñucahuan puric Diosman shuc altarta ruhuagrini— nirca.

GÉNESIS 35:1

Diosmi Jacobotaca: —Jatari, Bet-elman huichai rishpa, chaipi saquiri. Chaiman chayashpaca, can Esaumanta miticushpa ricucpi, ricuric Diosman shuc altarta ruhuai— nirca.

GÉNESIS 28:22

Ricunalla cachunmi, pilarta shina, cai ñuca shayachishca rumica Diospac huasi canga. Shinallatac tucui can imalla cushcacunamantaca chungamanta shucta chicanyachishpami canmanca cusha» nirca.

GÉNESIS 28:19

Shina ruhuashpami, Jacoboca chai pambataca Bet-eltami shutichirca. Ñaupaca chai pambapi tiyac puebloca Luz shutimi carca.

SALMOS 89:12

Jahuaman tiyaccunatapish, uraman tiyaccunatapish canmi ruhuarcangui. Tabor urcupish, Hermón urcupish cambac shutitami cantangacuna.

JUECES 8:18

Chai quipaca Zebatapish, Zalmunatapish tapushpaca: —¿Cancuna Tabor urcupi, huañuchishca runacunaca, imalayatac carca?— nirca. Shina tapucpi paicunaca: —Paicunaca can shinami carca. Shinallatac tucui paicunami jatun mandacpac churicuna shina carca— nirca.

JUECES 4:12

Sisaraca Habinoampac churi Barac Tabor urcuman rishcatami yacharca.

JUECES 4:6

Débora Neftalí aillucunapac Cedes pueblopi causac Abinoampac churi Baracta cayac cachashpaca: —Israelcunata Mandac Diosca: “Neftalipac, Zabulonpac aillucunamanta chunga huaranga macanacuc runacunata Tabor urcupi tandachi.

JOSUÉ 19:22

Chai llactaca Tabor, Sahazima shinallatac Bet-semes pueblocunata pasashpami Jordán yacucaman carca. Tucuica chunga sucta pueblocunami, muyundi uchilla llactacunandi carca.

JOSUÉ 19:12

Sarid pueblomantaca inti llucshina ladoman muyushpami Quislot-tabor puebloman chayashpa, Jafía pueblocamanmi huichai ricurca.

LEVÍTICO 23:13

Mandac Dios ñucaman mishquilla ashnachunca, chuscu kilo chaupi alli harinata aceitehuan chapushpa cunguichic. Chaica, ñucaman mishquilla ashnachun, rupachishcami canga. Shuc litro chaupi tallina vinotapish cunguichic.

LEVÍTICO 7:13

Diosta pagui ningapacpish, paihuan alli tucungapacpish levadurahuan ruhuashca tortahuanmi cuna can.

LEVÍTICO 3:12

Chai ofrenda huarmi chivota cacpica, Mandac Diospac ñaupaman apamushpami

LEVÍTICO 3:6

Maijanpish Mandac Dios-huan alli tucungapac cari ovejata, mana cashpaca huarmi ovejata cashpaca mana ima tucushca alli animaltami cuna can.

LEVÍTICO 1:10

Tucuita rupachingapac ovejata, mana cashpaca chivota apamushpaca, ima mana tucushca cari animaltami apamuna can.

1 SAMUEL 10:4

Paicunaca ¿Allillachu cangui? nishpami, ishcai tandata cungacuna. Shina cucpica japinguilla.

JEREMÍAS 32:8

Mandac Dios huillashca shinallatacmi ñuca tiopac churi Hanameel cárcel punguman shamushpaca: “Benjamín llactapi tiyac Anatotpi cac ñuca allpata randi. Chai allpaca cambacmi cana can. Chaimanta canmi randina cangui” nirca. Shina nicpimi, chaita randichunca, Mandac Dios mandashcata yachac chayarcani.

JUECES 20:18

Chai quipaca, israelcuna jatarishpa, huichai rishpami Mandac Diostaca: —¿Ñucanchicpuramantaca maijan aillutac Benjamín aillucunahuan macanacungapac punta rigrin?— nishpa tapurca. Shina tapucpi Mandac Diosca: —Judá ailluracmi ringa— nirca.

JUECES 20:23

Israelcunaca huichai rishpami Mandac Diospac ñaupapi tutayangacaman huacashpa Mandac Diostaca: —¿Ñucanchic huauqui Benjamín aillucunahuanca Cutinllatac macanacugrishunchu?— nishpa tapurca. Shina nicpimi, Mandac Diosca: —Cutinllatac macanacugrichiclla— nirca.

JUECES 20:27

Chaipimi israelcunaca Mandac Diosta tapurca. (Chai punzhacunaca Dios ari nishca quillcata huacaichina Arcaca chaipimi carca.