1 SAMUEL 1:19 - Dios Rimashcata Quillcashcami

¹⁹ Cayandica utca jatarishpami, Mandac Diosta alli nircacuna. Chai quipaca Ramá pueblopi cac paicunapac huasimanmi rirca. Elcanaca paipac huarmi Anapimi chayarirca. Chashna chayaricpimi, Mandac Diosca Ana mañashcata uyarca.

1 SAMUEL 1:19 Referans Kwoze

GÉNESIS 21:1

Mandac Diosca pai nishca shinami Sarataca ricuc shamurca. Pai imata ruhuasha nishca shinallatacmi Saramanca pactachirca.

1 SAMUEL 1:11

Paica pactachishatacmi nishpami, «Tucuita Mandac Dioslla, canta servic ñuca cashna llaquihuan cacta yuyariyari. Canta servic ñucataca ama cungarishpa, ashtahuanpish ñucaman shuc cari huahuata cuiyari. Can cucpica, chai huahuataca tucui paipac causaipimi can Mandac Diosllatac servishpa causachun cusha. Shinallatac paipac acchatapish mana pitichishachu» nirca.

GÉNESIS 30:22

Shina cacpipish, Mandac Diosca Raqueltapish yuyarishpami, pai mañashcata uyarca. Chaimantami huahuacunata charichun saquirca.

GÉNESIS 4:1

Adán paipac huarmi Evapi chayaricpica, Evaca huicsayuc tucushpami, Caín huahuata charirca. Chai huarmica: «Mandac Dios cucpimi, shuc cari huahuata charini» nirca.

SAN LUCAS 23:42

Shina nishpami chai runaca Jesustaca: —Can mandangapac shamushpaca, ñucata yuyaringuiyari— nirca.

MARCOS 1:35

Jesusca tutamanta utca, manarac achicyamucpimi, shitashca pambapi Diosta mañangapac rirca.

SALMOS 119:147

Manarac pacaricpi jatarishpami mañani. Can rimashcatami shuyacuni.

SALMOS 55:17

Tutamantapish, chaupi punzhapish, chishipish Diosta caparishpa mañashami. Paica ñuca mañashcata uyangami.

SALMOS 25:7

Huambrarac cashpa juchata ruhuashcacunatapish, canta cariyashcatapish ama yuyarichu. Mandac Dioslla, can llaquic cuyac, cuyac cashcamanta ñucata yuyariyari.

1 SAMUEL 9:26

Cayandi tutamanta inti ña llucshicucpimi, huasi jahuapi tiyac pambapi Saúl sueñucucpi Samuelca: —Jatari ña ri— nirca. Shina nicpimi, Saulca jatarishpa Samuelhuan canzhaman llucshirca.

GÉNESIS 8:1

Chai quipami, Diosca Noetapish, tucui animalcunatapish jatun huambuc huasipi cacta yuyarishpa, huairata cacharca. Chai huairami yacutaca ashancaman chaquichirca.

SALMOS 136:23

Ñucanchic llaquipi causacucta yuyaric Diosta alabaichicyari. ¡Paica huiñaita llaquicmi!

SALMOS 5:3

Tutamanta ñuca caparishpa mañashcata uyanguiyari. Tutamanta cambac ñaupapi mañashpami shuyacusha.

1 SAMUEL 2:11

Chai quipami Elcanaca Ramá pueblopi tiyac paipac huasiman cutirca. Chai huambraca Elí curapac ñaupapimi Mandac Diospacta ruhuangapac saquirirca.

1 SAMUEL 1:1

Efraín urcupi cac Ramataim pueblopimi, zufitapuramanta Elcana runa causarca. Elcanaca Jerohampac churimi carca. Jerohamca Eliupac churimi carca. Eliuca Tohupac churimi carca. Tohuca Zufpac churimi carca. Zufca efrateopurami carca.

1 SAMUEL 7:17

Chai quipaca Ramá pueblopi cac paipac huasimanmi cutic carca. Paica chai pueblopipish tucui israelcunata mandashpami causarca. Chai pueblollapitacmi Mandac Diosman shuc altartapish ruhuarca.

JOSUÉ 18:25

Shinallatac Gabaón, Ramá, Beerot,

1 SAMUEL 8:4

Chaimantami israelcunata mandac yuyaccunaca tucui tandanacushpa Samuelman parlangapac Ramá puebloman rirca.

1 SAMUEL 15:34

Chai quipami Samuelca Ramá puebloman rirca. Shinallatac Saulpish Gabaa pueblopi cac paipac huasiman rirca.

1 SAMUEL 16:13

Shina nicpi, Samuelca aceitehuan cac gachuta japishpa, Davidtaca paipac huauquicuna ricucucpi aceitehuan umata cahuirca. Chai punzhamanta pachami Mandac Diospac Espirituca Davidpacman shamurca. Chai quipaca Samuelca Ramá pueblomanmi cutirca.

1 SAMUEL 19:18

Chashna pacalla rishpami Davidca Ramá pueblopi causac Samuelpacman chayarca. Chaiman chayashpaca Saúl paita tucui ima ruhuashcatami parlarca. Chai quipami Davidca Samuelhuan Naiot pambapi causangapac rirca.

1 SAMUEL 25:1

Samuel huañucpica, tucui israelcunami tandanacushpa huacarca. Paitaca pai causana Ramá pueblollapitami enterrarca. Chai quipaca Davidca shitashca pamba Paranmanmi rirca.

2 REYES 4:17

Shina cashpapish, caishuc huatapica Eliseo nishca punzhallapitacmi huicsayuc tucushpa, shuc cari huahuata charirca.