1 SAMUEL 1:13 - Dios Rimashcata Quillcashcami

¹³ Anaca shungu ucullapi mañashpami, shimillata cuyuchicurca. Ashtahuanpish pai rimashcaca mana uyarircachu. Chaimantami Elica cai huarmica machashcami nishpa yuyacurca.

1 SAMUEL 1:13 Referans Kwoze

ROMANOS 8:26

Ñucanchic irquiyashca cacpipish, Diospac Espiritumi ayudan. Ima shina Diosta mañanatapish mana yachanchicchu. Shina cacpipish, Diospac Espiritullatacmi llaquirishpa, ñucanchic mana rimaipac rimaicunahuan ñucanchicmanta mañacun.

HECHOS 2:13

Ashtahuanpish maijancunaca: —Caicunaca machashcacunami— nishpami asircacuna.

ZACARÍAS 9:15

Tucuita Mandac Diosmi paicunataca ayudanga. Chaimantami paicunaca, paicunata piñaccunataca tucui tucuchishpa, huaraca rumicunatapish sarunacunga. Vinota ubiac shinami yahuarta ubianga. Tazonpi jundachishca shina, gachucuna altarpi yahuarta jundachishca shinami ruhuanga.

SALMOS 25:1

Mandac Dioslla, tucui almahuanmi mañacuni.

1 CORINTIOS 13:7

Shinallatac ima llaquitapish apacmi, crishpa caticmi, cushicushpa shuyac, imamantapish mana piñarishpa jarcaricmi.

NEHEMÍAS 2:4

Shina nicpimi, jatun mandacca: —¿Imatatac ruhuachun ningui?— nirca. Shina nicpimi, jahua pachapi causac Diosta mañashpa,

1 SAMUEL 1:12

Mandac Diospac ñaupapi Ana ña unaita mañacucpimi, Elica paipac shimita ricucurca.