1 SAMUEL 1:10 - Dios Rimashcata Quillcashcami

¹⁰ Chaipimi Anaca tucui almahuan llaquirishpa yallita huacashpa Mandac Diosta mañarca.

1 SAMUEL 1:10 Referans Kwoze

JOB 7:11

Chaimantami ñuca shimihuan rimarinataca mana saquisha. Ñuca yuyaipi llaquihuan huañucushpami rimaricushalla. Tucui almahuan llaquirishpami aij nicushalla.

SAN LUCAS 22:44

Jesús yalli llaquihuan cashpami, ashtahuan Diosta mañarca. Jumbipish yahuar shinami pambaman shuturca.

JOB 10:1

Cai causaihuanca ñami shaicushca cani. Mana manchashpami aij nicushalla. Ñucaca almahuan llaquirishpami huillacushalla.

SALMOS 91:15

Pai ñucata mañacpica, ñucaca uyashami. Pai yallita llaquihuan cacpica, ñucaca paihuanmi casha. Paita quishpichishpami alli nishca cachun ruhuasha.

HEBREOS 5:7

Apunchic Jesucristoca cai pachapi causacushpami, huañuimanta quishpichic Diosta caparishpa, huacashpa mañarca. Jesusca Diosta yallita cazushpami causarca. Chaimantami Diosca uyarca.

ISAÍAS 54:6

Diosca cantaca cusa shitashca llaquilla causac, huambrarac huarmi cacpi, cusa shitashca huarmita shinatami cayashcami.

JUECES 21:2

Chaimantami israelcunaca Bet-el puebloman rishpa, chishiyangacaman Mandac Diospac ñaupapi caparishpa huacashpaca:

LAMENTACIONES 3:15

Mandac Diosca jayacta ubiachic shinami, yallita llaquichirca.

JEREMÍAS 22:10

Jatun mandac Josiasmantaca ama huacaichicchu. Pai huañushcamantaca ama llaquirichicchu. Ashtahuanpish shuctac llactaman prezu apacpi, pai huacharishca llactaman jaicapi mana cutina cashcamantami huacana canguichic.

ISAÍAS 38:15

Paillatac chashna llaquichisha nishpa llaquichicpica, ¿imatatac nishayari? Chashnami ñuca shungupi yallita llaquirishpa causacushalla.

SALMOS 50:15

Llaqui punzhacunapi cashpa, ñucata mañangui. Ñuca llaquimanta llucchicpica, ñucata alli ningui» ninmi.

JOB 9:18

Ñucataca samaita aisachunllapish mana saquinchu. Chaipac randica jatun llaquicunahuanmi llaquichin.

2 REYES 20:3

«Mandac Dioslla, cantami mañani. Cambac ñaupapi mana llullashpa, tucui shunguhuan canta cazushpa causashcataca yuyariyari» nirca. Shina nishpami Ezequiasca yallita cuillata huacarca.

RUT 1:20

Shina cacpimi Noemica: —Ama Noemí nishpa cayaichicchu, ashtahuanpish Mara nishpa cayaichic. Imatapish ruhuac Diosca yalli llaquitami ñucaman cushca.

JEREMÍAS 13:17

Ashtahuanpish cancuna caita mana uyashpa, jatun tucucpica, ñuca shungullapimi pacalla huacasha. Mandac Diospac ovejacunata prezu apashcamantami yallita llaquirishpa, ñuca ñahuimanta huiquita jichasha.

2 SAMUEL 13:36

Pai ña rimanata tucuchincami jatun mandacpac churicuna chayamushpaca, caparishpa huacai callarirca. Shinallatac jatun mandacpish, paita serviccunapish llaquillatami huacarca.

GÉNESIS 50:10

Jordán yacu chimba ladopi cac Atad nishca trillana pambaman chayashpaca tucuilla tandanacushpami, llaquilla huacarca. Joseca paipac taita huañushcamantami canchis punzhacaman churashca llaquilla carca.

2 SAMUEL 17:8

Husaica caitapish nircami: —Cambac taitapish, paipac runacunapish sinchi cashcataca canllatac yachanguimi. Cunancarin huahuacunata quichucpi, mama oso piñaric shinami canga. Chai jahuapi cambac taitaca macanacunata alli yachacmi. Chaimanta mana cunan tutaca gentecunahuan chaipi pacaricungachu.

1 SAMUEL 1:9

Silo pueblopi micushpa, ubiashca quipami Anaca jatarishpa Mandac Diospac huasiman rirca. Elí curaca Mandac Diospac huasi pungu pilar ladopimi tiyacurca.

1 SAMUEL 1:11

Paica pactachishatacmi nishpami, «Tucuita Mandac Dioslla, canta servic ñuca cashna llaquihuan cacta yuyariyari. Canta servic ñucataca ama cungarishpa, ashtahuanpish ñucaman shuc cari huahuata cuiyari. Can cucpica, chai huahuataca tucui paipac causaipimi can Mandac Diosllatac servishpa causachun cusha. Shinallatac paipac acchatapish mana pitichishachu» nirca.

PROVERBIOS 14:10

Causai llaquilla cashcataca shungullami yachan. Cushicui tiyacpipish, shuctaccunaca mana yachancunachu.

GÉNESIS 30:1

Raquelca Jacobopacta mana huahuata chari pudishpami: “Ñucaca Lea cashpachari alli caiman” nic carca. Chaimantami paipac cusataca: —¡Huahuata cui, mana cucpica huañugrinimi!— nirca.