1 REYES 9:3 - Dios Rimashcata Quillcashcami

³ Chaipimi Mandac Diosca: «Ñuca ñaupapi can yallita mañactaca uyanimi. Huiñaicaman ñuca shuti chaipi causachun, can shayachishca huasitapish, ñucapaclla cachun chasquinimi. Cai huasitaca punzhantami ricucushalla. Ñuca shungupipish yuyaricushallami.

1 REYES 9:3 Referans Kwoze

1 JUAN 5:14

Diospac munaipi imatapish mañacpica, paica uyanmi. Shina cashcamantami paipi shunguta churashpa mañanchic.

SALMOS 10:17

Mandac Dioslla, yangalla runacuna mañashcataca uyashcanguimi. Paicuna mañashcata uyashpami, paicunapac shungutapish cushichingui.

2 REYES 20:5

«Ñuca acllashcacunata mandac Ezequiaspacman cutirishpa: “Cambac taita Davidta Mandac Diosca: ‘Can mañashcataca uyanimi. Cambac huiquitapish ricunimi. Cantaca alliyachigrinimi. Quimsa punzha quipaca Mandac Dios ñuca huasiman ringui.

1 REYES 8:29

Canhuan tupana cai huasitaca tutapish, punzhapish chapacunguilla. Canllatacmi: “Cai huasipimi ñucaca causasha” nircangui. Chaimanta canta servic ñuca caipi mañacuctaca uyaiyari.

SALMOS 116:1

Mandac Diostaca cuyanimi. Paimi ñuca mañashcatapish, ñuca caparishcatapish uyarca.

DEUTERONOMIO 11:12

Chai llactataca Mandac Diosmi cuidacun. Mandac Diosca huata callarimanta, huata tucuringacamanmi cuidacunlla.

2 CRÓNICAS 6:40

Cunanca ñuca Dioslla, caipi canta mañashcataca cambac ñahuihuan ricunguiyari. Cambac ringrihuan uyanguiyari.

HECHOS 10:31

Chashna ricurishpaca: “Cornelio, can mañashcataca Diosca uyashcami. Can huacchacunaman imallata cushcatapish ricushcami.

SAN MATEO 6:9

Cancuna mañashpaca: “Jahua pacha ñucanchic Taitalla, cambac shutitaca, tucuilla alli nishca cachun.

ÉXODO 20:11

Ñucaca Mandac Diosmi cani. Ñucaca sucta punzhapimi jahua pachatapish, cai pachatapish, mama cuchatapish, chaipi tucui ima tiyashcatapish ruhuarcani. Ashtahuanpish canchisniqui punzhapica samarircanimi. Chaimantami ñucaca chai punzhataca bendiciashpa, ñucapacllata ruhuarcani.

DANIEL 9:23

Can mañai callaricllapitacmi Diosca uyarca. Canca yallita cuyashcami cangui. Chaimantami canta yachachingapac shamurcani. Cunanca can muscuipi shina ricushca imata nisha nicushcata yachangapac ñucata uyai.

JEREMÍAS 15:1

Chaimantami Mandac Diosca: «Moises-huan, Samuelhuan ñuca ñaupapi shayaricpipish, cai llactataca mana llaquishachu. Ñucapac ñaupamanta anchuchishpa, llucchishpa cachai.

DEUTERONOMIO 16:11

Mandac Dios paipac shutita causachun acllashca pushtupimi paipac ñaupapi cancunapac churicunahuan, ushicunahuan, servic caricunahuan, servic huarmicunahuan, cancunapac llactapi causac levitacunahuan, shuctac llacta runacunahuan, taita mama illaccunahuan, cancunapac llactapi causac viudacunahuan cushicuna canguichic.

DEUTERONOMIO 12:11

Mandac Dios paipac shutita causachun acllashca pushtuman ñuca apachun nishca tucui rupachinatapish, paiman cunatapish, chungamanta shuctapish, alzashpa cuna ofrendatapish, cushami nishca ofrendatapish apanguichic.

NÚMEROS 16:38

Chai inciensota rupachinacunaca quiquinllatac juchallishpa huañushcacunapacmi. Cunanca cai inciensota rupachinacuna ñucapaclla cashcamanta altarta quillpangapac yacuyachi. Caicunaca ñucapac ñaupapi inciensota churashpa rupachinacunami carca. Cai shina ruhuashcaca tucui israelcunapac shuc yuyarinami canga” ningui» nirca.

SAN JUAN 11:42

Ñuca mañashcata can uyac cashcataca yachanimi. Caipi ñucahuan cac gentecuna ñucata can cachashcata crichunmi, cashna nini— nirca.

SALMOS 66:19

¡Ashtahuanpish Diosca uyarcatacmi! Ñuca mañashpa rimashcata uyarcatacmi.

DEUTERONOMIO 12:21

Mandac Dios paipac shutita churangapac acllashca pushtu carupi cacpica, ñuca mandashca shina huagracunatapish, ovejacunatapish huañuchishpa, cancuna munashca shina, cancunapac llactallapitac micunguichiclla.

DEUTERONOMIO 12:5

Ashtahuanpish Mandac Dios, paipac shutita causachun churangapac acllashca pushtuman rishpa, chaipi paitaca alli nina canguichic.

2 REYES 21:7

Asera huarmi diosman ricchatapish Mandac Diospac huasipi churarcami. Mandac Dios chai huasimanta Davidtapish, paipac churi Salomontapish rimashpaca: «Ñuca huasi tiyacuc Jerusalén pueblotaca tucui Israel aillupuramantami acllarcani. Cai huasipimi ñuca shutitaca huiñaita causachun churasha.

2 CRÓNICAS 33:7

Ruhuashcalla diostapish Diospac huasipimi churarca. Chai huasimantami Davidtapish, paipac churi Salomontapish Mandac Diosca: «Cai huasita, shinallatac Jerusalentami tucui Israel aillupuramanta acllarcani. Cai huasipimi ñuca shutica huiñaita causachun churasha.

ESDRAS 6:12

Maijan jatun mandacpish, maijan gentecunapish ñuca mandashcata mana cazushpa, Jerusalenpi cac Diospac huasita urmachicpica, paipac shutita chaipi causachun saquic Diosllatac llaquichichun. Jatun mandac Darío ñucami caitaca mandani. Chaitaca utca pactachinguichic» nishpami quillcani.

SALMOS 34:17

Cashcata ruhuaccuna caparishpa Mandac Diosta mañacpica, paica uyashpa tucui llaquimanta llucchircami.

ÉXODO 29:44

Ñucahuan tupana huasipish, altarpish ñucapaclla cachunmi ruhuashca. Aarontapish, paipac churicunatapish ñucata serviccuna cachunmi, ñucapacllata ruhuashca.

SALMOS 65:3

Ñuca juchacunallatacmi ñucataca aticun. Shina cacpipish canca perdonanguimi.

JEREMÍAS 7:10

Cancunaca, ¿chashna causacushca jahuachu ñuca shutipi mañana huasiman shamushpa, ashtahuan millaicunata ruhuashpa: ‘Ñucanchicca quishpirishcami canchic’ ninguichic?