1 REYES 9:26 - Dios Rimashcata Quillcashcami

²⁶ Jatun mandac Salomonca jatun barcocunatapish ruhuarcami. Chai barcocunataca Elot pueblo ladollapi tiyac Ezión-geber ladollapimi ruhuarca. Chai pueblocunaca Edom llacta ladollapi tiyac puca cucha patapimi.

1 REYES 9:26 Referans Kwoze

1 REYES 22:48

Josafatca Tarsis llacta jatun barcocuna shinatacmi Ufir llactamanta curita apamungapac jatun barcocunata ruhuarca. Shina cacpipish, chai barcocunaca mana rircachu. Ashtahuanpish Ezión-geber llactapimi paquirishpa tucurirca.

DEUTERONOMIO 2:8

Chaimantaca ñucanchic huauqui Esaupac huahua huahuacunapac Seir urcumantaca caruyarcanchicmi. Chashnami Elat, Ezión-geber llactacunamantaca shamuna ñanta shamurcanchic. Chai quipaca shitashca pamba Moabmanmi cutircanchic.

NÚMEROS 33:35

Abrona llactamanta llucshishpaca, Ezión-geber pambapimi carpa huasita shayachishpa tiyarirca.

2 REYES 14:22

Paipac taita jatun mandac huañushca quipaca Elat pueblota cutin shayachishpami, Judá llactaman curca.

1 REYES 10:22

Jatun mandac Salomonca Tarsis pueblomanta paipac jatun barcocunatami Hiram runapac barcocunahuan mama cuchapi charirca. Chai barcocunapica Tarsis pueblomantami curita, cullquita, marfilta, monocunata, pavo realcunata cada quimsa huatapi shuc cutin apamuc carca.

1 REYES 22:49

Shina cacpimi, Acabpac churi Ucoziasca Josafattaca: «Ñucata serviccuna cambac serviccunahuan barcopi richun» nirca. Shina nicpipich, Josafatca mana uyarcachu.

PROVERBIOS 31:14

Jatun barco catunahuan shamuc shinami micunata apashpa carumanta chayamun.