1 REYES 9:15 - Dios Rimashcata Quillcashcami

¹⁵ Jatun mandac Salomonca Mandac Diospac huasitapish, paipac huasitapish, Milo nishcatapish, Jerusalén muyundi jatun pircatapish, Hazor, Meguido, Gezer pueblocunatapish ruhuangapacmi gentecunata tandachirca.

1 REYES 9:15 Referans Kwoze

1 REYES 9:24

Faraonpac ushipish, Davidpac pueblomanta huichai rishpami, Salomón paiman ruhuashpa cushca huasipi causagrirca. Chai quipami Salomonca Milo nishca pushtutapish ruhuarca.

1 REYES 5:13

Jatun mandac Salomonca tucui Israel llactapi imapish sinchi ruhuaicunata ruhuachunca quimsa chunga huaranga runacunatami tandanacuchun mandarca.

2 SAMUEL 5:9

Davidca chai jatun torrehuan jarcachishca pueblopi causashpami Davidpac pueblo nishpa cayarca. Shinallatac Milo pushtumanta callarishpaca pai tiyana huasicaman jatun pircata ruhuachirca.

JOSUÉ 17:11

Manasespac ailluca Isacarpac, Aserpac aillucunapac llactapipish cai pueblocunata charircami. Chai pueblocunaca Bet-seán pueblo, Ibleam pueblo uchilla llactacunandimi carca. Dor pueblopi causaccunapish uchilla llactacunandi, Endor pueblopish uchilla llactacunandi, Taanac pueblopi causaccunapish uchilla llactacunandi, Meguido pueblopi causaccunapish uchilla llactacunandimi paipac carca. Quimsaniqui llactaca Nafotmi carca.

JOSUÉ 19:36

Adama, Ramá, Hazor,

JOSUÉ 11:1

Chaita uyashpami Hazor pueblota mandac Jabinca Madón pueblota mandac Jobabmanpish, Simrón pueblota, Acsaf pueblota jatun mandaccunamanpish huillachun cacharca.

JUECES 1:29

Efraín aillupish Gezer pueblopi causac cananeocunataca mana llucchishpa cachai pudircachu. Ashtahuanpish paicunapac chaupillapitacmi Gezer pueblopi causarca.

JOSUÉ 16:10

Shina cacpipish, Efrainpac ailluca Gezer pueblopi causac cananeocunataca mana llucchishpa cacharcachu. Chaimantami cananeocunaca impuestota cushpa cunancaman paicunapac chaupipi causancuna.

ZACARÍAS 12:11

Chai punzhapica Jerusalenpi causaccunaca Meguido pambapi Hadad-rimón diosmanta huacashca shinami, yallita huacanga.

SALMOS 51:18

Can cuyashcamanta Sión urcupac allita ruhuaiyari. Jerusalén muyundi pircata cutin shayachiyari.

2 CRÓNICAS 35:22

Necaoca Mandac Dios nishcatami huillarca. Ashtahuanpish Josiasca chai nishcata mana cazushpami shuc churanata churarishpa, paihuan macanacungapac rirca. Josiasca Meguido pambapimi macanacungapac rirca.

2 CRÓNICAS 8:1

Ishcai chunga huatapimi Salomonca Mandac Diospac huasitapish, mandashpa tiyana huasitapish ruhuanata tucuchirca.

1 CRÓNICAS 20:4

Chai quipaca Gezer pueblopimi cutinllatac filisteocunahuan macanacurca. Chaipimi, Husa pueblomanta Sibecaica manchana jatun runacunapac huahua huahuapuramanta Sipaita huañuchirca. Chashnami filisteocunataca atishpa cumurichirca.

1 CRÓNICAS 6:67

Miticuna Siquem pueblotapish, muyundi pambacunandimi Efraín urcupi curca. Shinallatac Gezer,

2 REYES 15:29

Israel llactata jatun mandac Peka mandacui punzhacunami asiriocunata jatun mandac Tiglat-pileser shamushpa, Ijón, Abel-bet-maaca, Janoa, Cedes, Hazor, Galaad, Galilea pueblocunata shinallatac Neftalí tucui llactacunata quichushpa, chaipi causaccunatapish prezu aparca.

2 REYES 12:20

Joastaca paita serviccunallatacmi huashalla parlanacushpa, Sila puebloman urai rina ñan Milo pushtupi huañuchirca.

2 REYES 9:27

Chaita ricushpami, Judá llactata jatun mandac Ocoziasca huerta chaupipi tiyac huasiman rina ñanta miticushpa callparca. Chashna callpacpimi Jehuca: «¡Paitapish huañuchi!» nishpa catirca. Chaimantami Ibleam pueblo ladollapi tiyac Gur huichaita carretapi callpacucpi chugrichirca. Ocoziasca Miguido pueblomanmi miticushpa callparca. Ashtahuanpish chaipimi huañurca.

1 REYES 11:27

Jeroboamca jatun mandac Salomontaca: Milo pambata allpata montonashpa allichicushpa paipac taita Davidpac pueblo pirca jutcushca punguta jarcashcamantami llaquichic callarirca.

1 REYES 9:21

Chai gentecunapac huahua huahuacunaca israelcuna chai llactata japishpa, mana tucui tucuchi pudicpi, chai llactapi saquirishpa mirarishcacunami carca. Paicunatami Salomonca cunan punzhacaman impuestota pagachishpa, servichishpa charin.

1 REYES 9:10

Ishcai chunga huatapimi Salomonca Mandac Diospac huasitapish, mandashpa tiyana huasitapish ruhuashpa tucuchirca.

1 REYES 6:38

Chai huasitaca chunga shuc huatata ña mandacucpimi, Bul shuti pusac quillapi tucui tucuchirca. Chaipi ima tiyanatapish, chaipi ima minishtirishcatapish canchis huatapi shayachishpa tucuchirca.

1 REYES 4:12

Ahiludpac churi Baanaca Taanac, Miguido pueblocunatapish, Zaretán pueblo ladollapi tiyac, Bet-seán tucui llactatami mandacurca. Zaretán puebloca, Jezreel pueblo ura ladomanmi carca. Bet-seán pueblomantaca Abel-mehola pueblocaman, shinallatac chimba lado Jocmeam pueblocunatapish mandacurcami.

JUECES 9:20

Mana chashna cacpica, Abimelecmanta nina llucshishpa Siquem pueblopi causaccunatapish, Milo pueblopi causaccunatapish tucui rupachichun, shinallatac cancunamanta nina llucshishpa Abimelecta tucuchichun» nirca.

JUECES 9:6

Chai quipaca, tucui Siquem pueblopi causaccunaca Bet-milopi causaccunandi tandarishpami encina yura cuchupi Diosman cuna rumi cuchupi Abimelectaca mandac cachun acllarca.

JUECES 5:19

Canaán llactata jatun mandaccunaca Miguido yacu ladopi tiyac Taanac pueblopimi macanacungapac shamurca. Shina macanacushpa atishpapish ima cullquita mana aparcachu.

JUECES 4:2

Chaimantami Mandac Diosca Canaán llactata jatun mandac Jabinpac maquipi churarca. Paica Hazor pueblopimi mandacurca. Paipac macanacuc runacunata mandacca Sisarami carca. Paica Haroset-goim pueblopimi causarca.

JOSUÉ 21:21

Efraín urcupi tiyac Siquem pueblota michina pambacunandi curca. Shinallatac huañuchishpa miticuna pueblotapish curcami. Shinallatac Gezer pueblotapish michina pambacunandi,

JOSUÉ 10:33

Chaimantami Gezer pueblota jatun mandac Horamca Laquis pueblopi causaccunata ayudangapac rirca. Ashtahuanpish Josueca paitapish, paipac macanacuc runacunatapish tucuimi huañuchirca.

1 REYES 3:1

Jatun mandac Salomonca Egipto llactata jatun mandac Faraonpac ushihuan cazarashpami familiapura tucurca. Paica Faraonpac ushi paipac huarmitaca Davidpac pueblomanmi pushamurca. Salomonca pai mandashpa tiyana huasitapish, Mandac Diospac huasitapish, Jerusalén pueblo muyundi pircatapish ruhuangacamanmi chaipi charirca.

1 REYES 12:4

—Cambac taitaca yugota apachishca shinami llaquinayaita charirca. Cunanca, chai llashac yugomantapish sinchi ruhuaicunapi charishcamantaca canca ashallatapish cacharichi. Chashna ruhuacpica, cantaca servishpami causashun— nircacuna.

JOSUÉ 16:3

Chaimantaca inti tigrana ladoman rishpaca, jafletitacunapac llactata pasashpa, Bet-horoncaman, Gezer pueblocamanmi carca. Chaimantaca mama cuchacamanmi carca.