1 REYES 8:59 - Dios Rimashcata Quillcashcami

⁵⁹ Mandac Diospac ñaupapi ñuca mañashca rimaicunaca punzhapish, tutapish ñucanchicta Mandac Diospac yuyaipi cachun. Shinallatac paita servic ñucamanpish pai acllashca israelcunamanpish ima illashcata ricushpa, ima punzha imata ruhuana cacpipish ruhuachun.

1 REYES 8:59 Referans Kwoze

SAN JUAN 17:9

Ñucaca paicunamantami mañani. Mana cai pachapac caccunamanta mañanichu, ashtahuanpish ñucaman cushcacunaca cambac cashcamantami paicunamanta mañani.

SALMOS 141:2

Ñuca mañashcaca incienso cushni shina mishquilla cambac ñaupaman chayashca cachun. Cambac ladoman ñuca maquicunata chutashcaca chishi lado ofrendata cushca shina cachun.

1 JUAN 2:2

Jesucristoca Dios ñucanchic juchacunata perdonachunmi, ñucanchicpac randi huañurca. Shina huañushpaca mana ñucanchicpac juchacunallamanta ashtahuanpish tucui cai pachapi causaccunapac juchata perdonachunmi huañurca.

SAN LUCAS 11:3

Ñucanchic punzhanta micuna tandataca, cunan punzhapish carai.

DEUTERONOMIO 33:25

Pungu huichcanacunapish fierromanta, broncemanta ruhuashca cachun. Paipac fuerzapish paipac tucui causaipi tiyachun.

1 REYES 8:58

Ñucanchic shungupica paillatac cazuna yuyaita ashtahuan churachun. Ñucanchic taitacunaman cushca mandashcacunata, imata ruhuachun mandashcacunata, quillcachishca shimicunatapish cazuna yuyaita cuchun.

1 REYES 8:60

Chashna ruhuacpimi, cai pachapi tiyac tucui llactacunapi causaccunaca shuctac Dios mana tiyashcata, ashtahuanpish Mandac Dioslla, Dios cashcata yachangacuna.

ISAÍAS 27:3

Chai chagrataca Mandac Dios ñucami cuidashpa, yacutapish punzhanta churasha. Pipish ama yaicushpa dañachunmi punzhapish, tutapish cuidasha.

ISAÍAS 37:20

Mandac Dioslla, cunanca tucui cai pacha jatun mandaccuna canlla Mandac Dios cashcata yachachun, ñucanchicta paicunapac maquimanta quishpichiyari» nirca.