1 REYES 8:4 - Dios Rimashcata Quillcashcami

⁴ Mandac Diospac Arcatapish Dios-huan tupana huasitapish, Diospacta ruhuangapac chai carpapi imalla tiyashcacunatapish apamurcacuna. Chaicunataca curacuna shinallatac levitacunami apamurcacuna.

1 REYES 8:4 Referans Kwoze

2 CRÓNICAS 1:3

Chai quipaca tucui chai tandanacushca gentecunahuanmi, Gabaón lomapi cac Dios-huan tupana huasipi cac altarman rirca. Chai carpa huasitaca Mandac Diosta servic Moisesmi shitashca pambapi ruhuashca carca.

1 REYES 3:4

Animalcunata huañuchishpa Diosman cungapacca Gabaonmanmi riccuna carca. Chaipi cac altarmi ashtahuan valichishca carca. Chaimantami Salomonpish achca animalcunata huañuchishpa Diosman cungapacca chaiman ric carca.

1 CRÓNICAS 6:31

Arcata Mandac Diospac huasipi Moisés churashpaca cantaccunatami cantachun churarca.

2 SAMUEL 6:12

Jatun mandac Davidmanca: «Obed-edompac huasipi Diospac Arca cashcamantami paipac familiatapish, paipac ima charishcacunatapish Mandac Diosca bendiciashca» nishpa huillashcata yachac chayashpami, Davidca cushicushpa, Obed-edompac huasimanta paipac puebloman Arcataca aparca.