1 REYES 8:26 - Dios Rimashcata Quillcashcami

²⁶ Shina cashcamanta israelcunata Mandac Dioslla, cunanca canta servic ñuca taita Davidman cushami nishcataca pactachiyari.

1 REYES 8:26 Referans Kwoze

JEREMÍAS 11:5

Cunan punzhapi nishca shinallatacmi cancunapac ñaupa taitacunaman lechepish, mishquipish yacu shina callpacuc llactata cusha nishpa, ari nircani. Chaitaca pactachishatacmi nircani” ninmi ningui» nirca. Shina nicpimi ñucaca: «¡Mandac Dioslla, chashna cachun!» nircani.

ISAÍAS 45:3

Chaipi sumac pacashcacunatapish, pi mana ricushca huacaichishcatapish canmanmi cusha. Israelcunata Mandac Diosca, ñuca cashcata yachachun, shinallatac canta shutipi cayashcata yachachunmi chashnaca ruhuasha.

ISAÍAS 41:17

Huacchacunapish, imata mana chariccunapish yacuta mashcashpaca mana tarinchu. Shinami yacunayaihuan paicunapac calluca chaquishca. Ñucami paicuna mañashcata uyasha. Israelcunapac Dios ñucaca, manatac saquishachu.

SALMOS 119:49

Canta servic ñucaman can cusha nishcataca yuyariyari. Ñucaca chai yuyaillami shuyacuni.

SALMOS 41:13

¡Israelcunata Mandac Diosca huiñai huiñaita alli nishca cachun! Chashna cachun, chashna cachun.

2 CRÓNICAS 1:9

Mandac Dioslla, cunanca ñuca taita Davidman cusha nishcata pactachiyari. Canmi ñucataca cai pachapi tiyac ñuto allpa shina achca gentecunapac jatun mandac cachun churashcangui.

1 REYES 8:23

«Israelcunata Mandac Dioslla, can Dios shinaca jahua pachapipish, cai pachapipish mana tiyanchu. Canta tucui shunguhuan cazushpa, cambac ñaupapi alli puric canta serviccunata llaquishpami, imata ari nishcatapish pactachingui.

1 SAMUEL 1:17

Shina nicpimi Elica: —Cunanca cushicushpa rilla. Israelcunapac Diosca can imata mañashcataca cushca cachun— nirca.

ÉXODO 24:10

israelcunata Mandac Diosta ricurca. Paipac chaqui ucupica jahua pacha achic nicuc shina, zafiro rumihuan allichishcami carca.

1 REYES 8:27

Ashtahuanpish, ¿Diosca cai pachapica causangachu imashi? Riqui, jahua pachapac ashtahuan jahuaman cac jahua pachapish can Dios causangapacca mana pactanchu. Ñuca shayachishca cai huasicarin, ¡Maitatac pactangayari!

1 CRÓNICAS 17:23

Cunanca, Mandac Dioslla, canta servic ñucamanpish, ñuca huasi familiamanpish can cusha nishca shina huiñaipac ruhuailla.

SALMOS 119:38

Can imata cusha nishcataca canta manchac canta servicman pactachiyari.