1 REYES 8:20 - Dios Rimashcata Quillcashcami

²⁰ Mandac Diosca pai cushami nishcataca pactachishcami. Chaimantami ñucaca Mandac Dios ima shina nishca shinallatac ñuca taita Davidpac randi, israelcunata mandangapac tiyarinapi tiyarircani. Shinallatac israelcunata Mandac Diospac shutipi mañana huasitapish shayachircani.

1 REYES 8:20 Referans Kwoze

FILIPENSES 1:6

Cancunapi callarimanta pacha allita ruhuac Diosca Jesucristo cutimuna punzhacaman, chai allita ruhuashpa catina cashcatami yachani.

ROMANOS 4:21

Abrahamca: “Diosca, pai cusha nishcata cungapac poderta charinmi” nishpami shuyacurcalla.

MIQUEAS 7:20

Canca ñucanchic ñaupa taitacunahuan ari nishca shinami, Jacobopac huahuacunamanpish pactachingui. Taita Abrahamtapish llaquinguimi.

EZEQUIEL 37:14

Ñuca cancunapi causaita cuc samaita churashpa, causachishpami, cancunapac llactallapitac samachisha. Shina ruhuacpimi, Mandac Dios ñuca nishcata pactachic cashcata yachanguichic» nirca.

EZEQUIEL 12:25

Imalla tucunataca Mandac Dios ñucami rimagrini. Chai rimashcaca utcami pactanga. Mana cazuc israelcunalla, cancunaman huillashcataca cancuna causacucpiracmi pactachisha nini” ninmi ningui» nirca.

ISAÍAS 9:7

Jatun mandac Davidpac tiyarinapi tiyarishpami, huiñaita cushi causaita cushpa, cashcata ruhuashpa, cunanmanta huiñaicaman mandanga. Pai mandanaca mana tucuringachu. Tucuita Mandac Diosca pai yallita cuyashcamantami chaitaca pactachinga.

NEHEMÍAS 9:8

Abrahampac shungutaca canhuan alli cashcatami ricurcangui. Cananeocunapac, heteocunapac, amorreocunapac, ferezeocunapac, jebuseocunapac, gergeseocunapac llactata, paipac huahua huahuacunaman cungapacmi paihuan ari nircangui. Canca cashcatac ruhuac cashpami chaitaca pactachircangui.

1 REYES 8:15

Shina shayacucpi paica: «Israelcunata Mandac Diosca alli nishca cachun. Ñuca taita Davidman pai ima nishcataca paipac maquihuan ruhuashpami pactachishca. Paica:

HECHOS 7:47

Davidpac churi Salomonmi Diosta mañana huasitaca ruhuachirca.

2 SAMUEL 7:12

Can ña unaita causashpa cambac taitacunahuan enterrashca cacpica, cambac huahuacunamantami shucta acllashpa cambac mandanapi churashpa, can mandanataca allichisha.

JOSUÉ 21:45

Mandac Dios israelcunaman allita ruhuasha nishcataca shuc rimaillatapish mana saquishpami tucui pactachirca.

1 REYES 1:48

Jatun mandacca: “Israelcunata Mandac Diosca alli nishca cachun. Cunanca paimi ñuca mandashpa tiyacushcapi tiyarichun, ñuca causacucpirac ñuca ñahuihuan ricuchun churashca” nircami— nirca.

SALMOS 138:2

Cantaca pactachic cashcamanta, llaquic cashcamantami cambac huasi ladoman cumurishpa cantasha. Cambac shutitapish, can rimashcatapish, tucuimanta yalli jatun cashcatami ricuchishcangui.