1 REYES 8:14 - Dios Rimashcata Quillcashcami

¹⁴ Jatun mandac Salomón cutimushpami, tucui tandanacushca israelcunata bendiciarca. Tandanacushca israelcunaca tucuimi shayacurcacuna.

1 REYES 8:14 Referans Kwoze

2 SAMUEL 6:18

Davidca Diosman cushpa tucuita rupachishca quipa, Dios-huan alli tucungapac animalta cushca quipaca, Mandac Diospac shutipimi tucui israelcunata bendiciarca.

SAN MATEO 13:2

Chaiman achca gentecuna cuchuyacpimi, Chaimantami Jesusca shuc canoapi tiyarirca. Achca gentecunami yacu patapi tiyacurca.

SALMOS 118:26

¡Mandac Diospac shutipi shamucca alli nishca cachun! Mandac Diospac huasimantami cancunata alli ninchic.

NEHEMÍAS 9:2

Israelpac huahua huahuacunaca shuctac llactamanta cac gentecunamanta chicanyarishpami, paicunapac juchacunatapish, paicunapac ñaupa taitacuna mana allita ruhuashcatapish huillarcacuna.

NEHEMÍAS 8:7

Levitapuramantaca Jesúa, Bani, Serebías, Jamín, Acub, Sabetai, Hodías, Maasías, Kelita, Azarías, Jozabed, Hanán, Pelaiasca chai mandashcatami tucui israelcunaman alli entendichicurca. Shina entendichicpimi, shuc pushtullapi shayarishpa alli uyarcacuna.

2 CRÓNICAS 7:6

Curacunaca paicuna imatac ruhuanallapitacmi carcacuna. Levitacunapish, Mandac Diosta pagui ningapac jatun mandac David ruhuashca tocanacunapimi tocarcacuna. David allichishca cantota cantashpaca: «Diosca allimari, pai llaquishcaca huiñai huiñaipacmi» nishpami cantarcacuna. Curacunaca levitacunapac chimbapurapimi trompetacunapi tocarcacuna. Israelcunaca tucuimi shayacurcacuna.

2 CRÓNICAS 6:3

Chai quipaca Jatun mandac cutimushpami, tucui tandanacushca israelcunata bendiciarca. Chaicamanca tandanacushca israelcunaca tucuimi shayacurca.

1 CRÓNICAS 16:2

David Diosman cushpa tucuita rupachishca, shinallatac Dios-huan alli tucungapac animalta cushca quipaca, Mandac Diospac shutipimi tucui israelcunata bendiciarca.

JOSUÉ 22:6

Chai quipaca Josué paicunata bendiciashpa cayacaman nicpica, paicuna causana carpa huasicunaman cutircacunallami.

ÉXODO 33:10

Israelcunaca chai suni puyu, Dios-huan tupana huasi punguta tapacta ricushpaca, tucuimi cungurishpa, quiquin huasi pungucunapi Diosta allimari cangui nic carca.

2 CRÓNICAS 31:8

Ezequiaspish, mandaccunapish chai grano montoncunata ricungapac rishpaca, Mandac Diosta allimari cangui nishpami, Dios acllashca israelcunatapish bendiciarcacuna.