1 REYES 7:51 - Dios Rimashcata Quillcashcami

⁵¹ Mandac Diospac huasipica jatun mandac Salomón ruhuanata yuyarishcataca chashnami tucui ruhuashpa tucuchirca. Chai quipami Salomonca Diospac cachun, paipac taita David chicanyachishca curita, cullquita, ashtahuan ima charishcacunataca Mandac Diospac huasiman aparca. Chaipimi ima charishcacunata huacaichina ucucunapi churarca.

1 REYES 7:51 Referans Kwoze

2 CRÓNICAS 5:1

Chashnami Salomonca Mandac Diospac huasipi tucui ima tiyanacunata ruhuachirca. Chai quipaca paipac taita David Diosman cushpa chicanyachishca ofrendata, curita tucui ima chariccunatami Diospac huasipi chai yalli valishcacunata huacaichina ucupi churarca.

ZACARÍAS 4:9

“Zorobabelmi ñucapac huasi callari rumitaca churarca. Paillatacmi tucuchinga. Chaita ricushpami, Mandac Diosllatac ñucataca cachashcata yachanguichic.

ESDRAS 6:15

Chai huasica jatun mandac Darío sucta huatata mandacucpi, Adar quilla quimsa punzhapimi tucurirca.

ÉXODO 40:33

Ña tucuchishpaca Dios-huan tupana huasi canzha pamba muyunditapish, altar canzha pamba muyunditapish jarcarcami. Canzha pambaman yaicuna pungupipish pañota churarcami. Chashnami Moisesca tucui ruhuana cashcata tucuchirca.

1 REYES 15:15

Shinallatac paipac taitapish, paipish curita cullquita Diospaclla cachun cushcataca Mandac Diospac huasimanmi aparca.

1 REYES 6:9

Salomonca Diospac huasita tucuchishpaca, chai huasi jahuataca vigacunahuan, cedro tablacunahuanmi taparca.

1 REYES 6:14

Shinami Salomonca Diospac huasita shayachinataca tucuchirca.

2 REYES 25:15

Soldadocunata mandacca curimanta, cullquimanta ruhuashca inciensota rupachinatapish, jatun tazoncunatapish tucuimi aparca.

2 CRÓNICAS 8:15

Curacunapish, levitacunapish jatun mandac David imata ruhuachun mandashcamantaca mana anchurircachu. Ima alli ruhuashcacunata allichinatapish, imata ruhuanatapish allimi ruhuarcacuna.